Search form

1 Korin int

Meyamey uwr hokwe: Aposel Pol.

Yier hiy ma lwayr meyamey hokwe: Hiykwe yier Efesus mon meyamey.

Enekwei hiy ma meyamey hokwe: Hiykwe enekwei Yia 56 sok meyamey kok, Jisas hiy ma lokrue so meyki.

Ok mamey mon ma lwak mokwe senkin: Pol hiykwe enekwei hiy hyo lanio mesor nok mey kamon kamon ke ma lanio meio nok hokwe, hiykwe sios kamon senkin meio, Grik mo yier aiopey hay Korin mon kokwe. Wo, hyo meyki hokwe sawk yor piap-araw hom lousne. Hmo yor har piap mokwe senkin: homkwe God so ayay mokwe yor yaprue non nak-a pa, seyr homkwe sa huon yor ke me-sous e mon, seyr homkwe ayay-pion okrei-god me ma leynow kow seme la, seyr Pol so aposel mey ke meio sous-a-sous. Aposel Pol hiykwe sa senkin sehe nan, hiykwe yor seme ma lohruw-a ey, mamey non.

Mamey ohok ko meyk-ar kokwe senkin: Pol so uron ipey-ar mamey okwe ma meyamey hokwe senkin, hiykwe yor piap-araw sios Korin ko hok ma mon yorpayor seme ma hiy-me now-a-now popriy ey. Seyr hyo mamey sios Korin ko ke ma meyamey kow kokwe, enekwei enkin ohokwe seyr, hromo sios ko liwak yor ke liy hiymon. Ok kamon hiy peyr-mon ma nuw-me-kraipakrai kokwe uron-pi ko-ar lwak yor ke me (Sapta 13).

God so Sokior-ok Iwon

© 2013, Wycliffe Bible Translators, Inc. All rights reserved. More Info | Version Index