Search form

Retaꞌ Ahun-hunut 6:9-10

Naiꞌ Noh in retan

9-10Naiꞌ Noh in reetn ii, on nai: in nmuiꞌ aan mone teun, esan reꞌ: naiꞌ Sem, naiꞌ Yafet, ma naiꞌ Ham. Naiꞌ Noh anmoin nok neek amneꞌo neu Uisneno, ma ka nmoeꞌ fa ꞌmoeꞌ reꞌuf. Oras naan, arahaa in es reꞌ atoin reko. In nmoni nhaumaakb on nok Uisneno.

11-12Mes Uisneno nkisu te areꞌ kanan mansian ii amoeꞌ reꞌuf sapuꞌ-sapuꞌ. Anbi mee-mee jah mansian ii namreꞌu nmaet. Uisneno nkisu te mansian anbin pah-pinan naan, anmoeꞌn ahaa rais reꞌuf.