Search form

Atoin Ibranis 7:20-21

Naiꞌ Yesus naan, aꞌnaak rais pirsait reꞌ maꞌtaniꞌ nneis naꞌko aꞌnaak rais pirsait amnaaꞌ ein

20-21Afi unuꞌ, oras Uisneno nasaeb naiꞌ Lewi in sufan-kauꞌn ein anjarin aꞌnaak rais pirsait, In ka nbaꞌan fa, ma ka nahakeꞌ fa supat saaꞌ-saaꞌ nok sin. Mes oras Uisneno nasaeb Naiꞌ Yesus anjair aꞌnaak rais pirsait, In nbaꞌan am nak,

“Au reꞌ ia, Usiꞌ!

Au ꞌsuup, ro tebes Au ka ubaniꞌ ma ꞌsenuꞌ fa saaꞌ reꞌ Au ꞌbaꞌan aꞌrari.

Au usaeb Ko mjair aꞌnaak rais pirsait,

he Ho munaob Ho mepu piut-piut.”

22Nok ranan In nbaꞌan on naan, Uisneno anpaek Naiꞌ Yesus he njamin neu kit nak, In anroim he nmafutub rais manbaꞌan reꞌ reko nneisi ntein nok kit.