Search form

Naiꞌ Markus 2:18

Usif Yesus In noniꞌ-taruꞌ feꞌu, aꞌtetaꞌ naꞌko atoin Farisis sin noinꞌ ein

(Naiꞌ Mateos 9:14-17, Naiꞌ Lukas 5:33-39)

18Neot es, tuaf naꞌkon partei pirsait Farisi, sin nanaah ok. Sin niit naiꞌ Yohanis in atoup noinꞌ ein nanaah ok amsaꞌ. Mes sin ka niit nitan fa Naiꞌ Yesus in atoup noinꞌ ein nanaah ok on reꞌ sin. Es naan ate, tuaf bian naꞌko sin, neman ma natefan nok Naiꞌ Yesus, he natanan am nak, “Aam! Hai minaah om. Naiꞌ Yohanis in atoup noinꞌ ein nanaah ok amsaꞌ. Mes nansaaꞌ am es Ho atoup noinꞌ ein ka nanaah ok fa?”