Search form

Matyu 12:17-18

17-18Waga wadéka Gotna yéba kudi wakwen du Aisaia déku kudi wani tulé adél dé yak. Déknyényba Aisaia kéni kudi dé Gotna nyégaba kavik:

Got dé wak, “Wuné wani dut wawurék dé wuna jébaa yakwa du dé ro.

Wuné déké mawulat kapére yawuréka wuna mawulé yéknwun dé yo déké.

Wuné wawuru wuna Yaamabi déku mawuléba wulae téké dé yo.

Tédu dé némaa kot véknwukwa némaan ban rate wuna kudi akwi du taakwat wakweké dé yo.

19Dé waarumarék yaké dé yo.

Dé némaanba waamarék yaké dé yo.

Dé yaabuba téte derét némaanba wakwemarék yaké dé yo.

Gotna Kudi

© 1983, Wycliffe Bible Translators, Inc. All rights reserved. More Info | Version Index