Search form

Rom 10:18-19

18-19Kalmu anga waké guné? “Israel du dakwa Gotna kundi de vékwak kapuk?” Wunga wamunaangunu anga wakawutékwa: Yi wan wanana wa. Wa vékundarén. Vékundarénngé ani kundi Gotna nyéngaamba wa kwaakwa:

Gorké de akwi képmaamba tékwa du dakwat wa kundi kwayéndakwa.

Apakmba tékwa du dakwat waak wa kundi kwayéndakwa.

Kalmu anga waké guné? “Israelsé de Gotna kundi daré yékunmba vékusékék kapuk?” Wunga wamunaangunu, wa anga wakawutékwa: Talimba Got wandéka Moses wan kundiké ma vékulakangunék. Wani kundi Gotna nyéngaamba anga wa kwaakwa:

Wuné wawutu guné Israelsé, “Baka du dakwa wa,” naangunéngwa du dakwaké, kapére mawulé vékukangunéngwa. Wa wuné det yékun yate, gunat yékun yamba yawutékwe wa.

Wuné wawutu guné yékéyaakmba tékwa du dakwat rakarka yakangunéngwa.

20Kukmba Aisaia waak wanngé Gotna nyéngaamba wa viyaatakandén. Got wandéka wup yakapuk yate déku kundi anga viyaatakandén:

Wunéké waakngapuk yan du dakwa wa wuné véndarén.

Wunat waatakukapuk yan du dakwana ménimba téwutéka wa wuné véndarén.

Gotna kundi

© 1996, Wycliffe Bible Translators, Inc. All rights reserved. More Info | Version Index