Search form

1 Dimodi 1:9-11

9-11Nono Godima iya ma wiro’iba ibake i darawadue iyanu darawadu me, ie i meramawere ukaisa orounu darawadu. I meramawere ukaisa orou emuae i ari eno ukaisa. Moi orouma moi darawadu medaisa, moi orouma dai orounu wake nauke dakaisa, moi orouma Godi imuke dakaisa, moi orouma ba me merama ukaisa, moi orouma Godinu wake nauke dakaisa, moi orouma wake merama weaisa, moi orouma emeini awekaini ma fearakuneka, moi orouma moi minu aruma aweka enare odaisa, moi orouma Sodomu goi orounu merama ukeka enaenari eme unayaima aiyaka ari ukaisa, moi orouma eme mame munaada emenu orouma oi mafiakane meo weaisa, moi orouma meo wayai wake weaisa, i orouma eno ukaisaba ibake Godima Danu darawadu i oroubairo marie. Nono nama iyanu arakekawere Godinu irau wake i mane weakune. Nono moi orouma i we ma iwoka ukeka wake abanaro ma merama ukaisake imusu imusu meramawere ukaisa. Ibake Godima i darawadu Mosesibairo mai ibake naini iini Godinu irau wake emuabairo weakune.

Godima Forubake imukari uiro Foruma Godibake we ma irauaiai ui wake

12Iyanu Dai Waria Mi Yesu Kerisoma nae Danu wake wemane we mune odikarake Dawa da medimane na unu korakunaraba ibake Dawa we ma irauaiai ukakune.

Godinu irau wake

© 1988, Wycliffe Bible Translators, Inc. All rights reserved. More Info | Version Index