Search form

Iburu 13:22-23

I dubuena kai wake

22-23Naiyemuku, nanu eenu wakenaku wemaro ya nauawe. Nanu owaowae yewado yafawere meba ibake nanu we iifa ukeka wakeini yanu Godi imukeka imuka ma ara ukeka wake mane erenewaa uawe. I ana ebaro ibisa orou yawokakuneka orouma Dimodi naa ma worome odaisaro me nauwaro fari. Enoba Nanu ararae yewa wake naukenewaa ufone ibake weakune. Dimodima nabairo sabu fafekuie dawaini naini uwama yabairo idua demuiro aafukuke ya efiaku. 24Nanu arie wake yanu yawokakuneka dai orouini Godi imukaisa orouini emua yaisinabairo weawero naufisa. I Idari weaisa orofaro ibaada Godinu wake naukaisa orou yaisina emenu arie wake yabairo we odaisaisa.

Godinu irau wake

© 1988, Wycliffe Bible Translators, Inc. All rights reserved. More Info | Version Index