Search form

Nia 25

Giciko jo Icrael pi tyero mot

(Nia 35.4-9)

1Rwot owaco bot Moses ni, 2“Wac bot jo Icrael ni gujogga gityer, ci gugam gityer pa dano ducu ma gukelo ma cwinygi opwoyo. 3Man aye kit gityer ma wubigamo ki botgi: jabu, ryal, mola; 4uci ma bulu, ki ma lamar lamar, ki makwar, ki boŋo camanini maberre; yer dyegi, 5laa nyogi romi ma ginyoŋo, laa dyegi; bao yat okuto lalwii: 6moo me mac tara, aŋwece me yubo moo wir ki pi odok eceta ma ŋwe kur; 7litino kidi onik litino kidi me wel me amwona i kom jabu pi epod ki kicaa kor. 8Ber gu yubba kabedo maleŋ wek abed i kingi 9Wuti gin ducu kun wulubo kit cal ma abinyutti, ma dok i kom timo kema ki jami ma giketo iye ducu.

Canduk lok me caden

(Nia 37.1-9)

10“Gibipayo canduk ki bao yat lalwii; borre obed futi aŋwen*, ki lacce futi aryo, ki borre tuŋ malo futi aryo. 11Mwon kome woko ki jabu ma giliyo maber, mwon iye ki ŋeye bene. Lul doge ducu irum woko ki jabu. 12Ti agit me jabu aŋwen pire, iketgi i kom tyene aŋwen: ket agit aryo tuŋ cel ki aryo mukene tuŋ cel. 13Ti tal me yat lalwii, imwon komgi woko ki jabu. 14Rwak tal i agit ducu ma tye i but canduk, me tiŋo canduk. 15Tal gibibedo i agit ma i kom canduk-ki matwal, pe gibiwotogi woko. 16Kidi ma apada ma gicoyo iye lok me caden ma amiyi-ni ibiketogi i canduk. 17-Dok ibitiyo kom mekica ki jabu ma giliyo maber; borre obed futi aŋwen, ki lacce futi aryo. 18Ti cal lukerubi aryo ki jabu kun itetogi ki nyol, i kom agikki kom me kica aryo ducu. 19Ti cal lakerubi acel i agikkine tuŋ cel; ki acel i agikkine tuŋ cel; ti cal lukerubi kun gikubbe i kom me kica-ni i agikkine aryo ducu. 20Lukerubi gibiyaro bwomgi malo me umo kom me kica ki bwomgi, kun waŋgi kemo lawote; waŋ Lukerubi binen kun kemo kom me kica. 21Ibicibo kom me kica cuŋ i wi canduk, ci iket lok me caden ma abimiyo boti-ni i canduk. 22An abirwatte kwedi kunnu, ci abilok kwedi ki malo i wi kom me kica, ki i kin lukerubi ma gitye malo i wi canduk lok me caden-ni, kun aloko kwedi i kom cik ducu ma abimiyi pi jo Icrael.

Meja me cano mugati ma giketo i nyim Rwot

(Nia 37.10-16)

23“Ti meja ki bao yat lalwii; borre obed futi adek, ki lacce futi acel ki nucu, ki borre tuŋ malo futi aryo. 24Mwon kome woko ki jabu ma giliyo maber, dok ilul doge ducu, irum woko ki jabu. 25Ket riine ma lacce rom ki dye ciŋ, ilul dog rii ki jabu orum woko. 26Dok itim agit me jabu aŋwen pire, ci imwon agit i twoke aŋwen ducu, i tyene aŋwen. 27Agit bibuto i kom rii, ci ibirwako iye tal me latin meja. 28Ti tal ki jabu; gibitiŋo meja ki tal meno. 29Dok iti caanine, ki ata bone me odok eceta, ki cupane ki werre me liyo gityer amate ibitimogi ki jabu ma giliyo mabe 30-Ibicano mugati me aketa i nyima i wi meja jwijwi.

Okar-mac me jabu

(Nia 37.17-24)

31“Dok ibitiyo okar-mac ki jabu m giliyo maber. Tedi okar-mac ki bolle gibiteto ki nyol; kikopone, en aye wene ki ature ducu, gibikubbe kwede kacel. 32Jaŋe bibedo abicel ma gujany guryey gukaco ŋete ryoryo, jaŋ okar-mac ade ma guryeyo i bute tuŋ cel, ki jaŋ okai mac cadek ma guryeyo i tuŋ mukene-ni. 33I kom jaŋe tuŋ cel bibedo iye kikop adek ma gitimo macalo tur yaa, ku; acel acel tye ki wene ki ature, ki i kor jaŋe tuŋ mukene bene bibedo iy kikopo adek ma gitimo macalo tu yaa, kun acel acel tye ki wene ki ature jaŋe abicel ducu ma guryeyo gukac okar-mac-ci gibibedo kit meno. 34Ka dok i kom okar-mac kikome-ni bibedi iye kikopo aŋwen ma gitimo macalo tu yaa, ki wengi ki aturegi, 35ki wene ma; okubbe i kom okar-mac-ci i te jaŋe abicel ma guryeyo ryoryo i kom okar mac. 36Wengi ki jaŋgi gubed ma gu kubbe kacel, kun kome ducu bedo jabi ma giliyo maber ma giteto ki nyol 37Ci doŋ ibitiyo pire mac laput abiro gicib mac laput malo i wiye wek omen: kabedo ma i nyime. 38Magacce ki caanine bibedo me jabu ma giliyo maber. 39Giyub okar-mac kacel ki jami tic magi ducu ki jabu ma giliyo maber ma pekke romo ratili miya acel*. 40-Dok ber inen ni itimogi i kit cal ma gibenyutti ki i wi got-ti.

Baibul 1985

© 1985 The Bible Society of Uganda

More Info | Version Index