Search form

Yubu 25

Bildad okwero ni dano pe kite atir i nyim Lubaŋa

1Bildad Lacua ogamo ni meno,

2“Loc tye bot Lubaŋa, myero gilwor en;

en miyo kucce nya malo i polo.

3Mony pa Lubaŋa twero kwanne?

Jo mene ma ceŋŋe pe menyogi?

4Dano twero bedo ma kite atir niŋniŋ i nyim Lubaŋa?

Ŋat ma dako onywalo twero bedo leŋ i ki te aŋo?

5Nen, i waŋe dwe pe ryeny, lakalatwe bene pe gileŋ;

6dano kono bedo niŋniŋ i nyime ma en kwidi mamwa-ni?”

Baibul 1985

© 1985 The Bible Society of Uganda

More Info | Version Index