Search form

Jabuli 100

Gilwogo dano pi miyo pwoc bot Lubaŋa

1Wuwer ki dwan me yomcwiny bot Rwot,

wun lobo ducu!

2Wuti bot Rwot ki yomcwiny,

wubin i nyime ki wer!

3Wuŋe ni Rwot en Lubaŋa!

En aye oketowa, wan wa danone,

wan jone dok romi ma en kwayogi.

4Wudony i dog gaŋ mere ki pwoc,

ki i dyekal mere kun wupake,

wupwoye, wupwo nyiŋe!

5-Pien Rwot ber;

mar mere ma pe lokke bedo nakanaka,

ki ada mere bedo nakanaka bot yalwak ducu.

Baibul 1985

© 1985 The Bible Society of Uganda

More Info | Version Index