Search form

Jabuli 11

Rwot en ka larre pa jo ma cwinygi atir

1Ariŋo alaro bot Rwot.

Piŋo wuwaco bota ni.

“Lwi woko calo winyo ici bed i wi godi;

2pien jo maraco gitero atum,

dok guketo te aterogi i kom tol atum,

wek gicel jo ma cwinygi atir woko i colpiny.

3Pe tye gin mo ma dano ma kite atir twero timo,

ka te guti ducu doŋ gibalo wako”?

4Rwot tye i ot mere maleŋ; komkerre tye i polo.

En neno dano ducu ma i lobo, dok ŋiyo gin ma gin tiyo.

5Rwot temo jo ma kitgi atir ki jo maraco,

en dag ŋat ma maro timo tim bwami.

6En bionyo lodi mac ki gweŋ calfa i kom jo maraco;

en bipwodogi ki yamo oro malyet.

7Rwot kite tye atir, dok maro tim ma atir;

jo ma cwinygi atir gibineno waŋe.

Baibul 1985

© 1985 The Bible Society of Uganda

More Info | Version Index