Search form

Jabuli 110

Rwot ki kabaka ma en oyero

1-Rwot owaco bot rwoda ni,

“Bed I ŋeta yo tuŋ acuc i kabedo me deyo,

nio ka abimiyo lukworri gidoko kom, laten tyeni.”

2Rwot bicwalo odoo ker me twerri ki i Cion.

En bimiyo ibedo ka loc i dye lukworri.

3I nino ma ibilweny i kom lukworri

lwakki gibimine kengi boti.

Calo toyo ma luk odiko con,

awobeni bene gibibino boti kit

meno i wi godi maleŋ,

4-Rwot doŋ okwoŋo kwoŋ, pe dokbiloko tamme,

“In ibibedo ajwaka nakanaka i kit pa Melkijadek.”

5Rwot tye yo tuŋ Iacucci;

i nino ma kiniga omake en biloyo luker woko ducu.

6En biŋolo kop i kom jo me rok ducu dok bipoŋo bar me lewny ki kom jo muto;

en biloyo luker ducu ma i wi loboni.

7Kabaka bimato pii ki i laora kulu ma tye i ŋet yo,

meno bimiyo en ilo wiye malo.

Baibul 1985

© 1985 The Bible Society of Uganda

More Info | Version Index