Search form

Jabuli 111

Pak pi tic me aura ma Rwot otiyo

1Wupak Rwot.

Abimiyo pwoc bot Rwot ki cwinya ducu,

i dul pa jo ma cwinygi atir, i dye lwak ma gucokke.

2Tic ma Rwot tiyo dito dok me aura mada;

jo ducu ma ticce yomo cwinygi giketo cwinygi twatwal me niaŋ iye.

3Gin ducu ma en tiyo opoŋ ki deyo dok ki tek;

dok porre mere bedo nakanaka.

4En pe weko wiwa wil i kom ticce me aura ma en otiyo;

Rwot ber dok lakica.

5En miyo cam bot jo ma lwore;

wiye bene po twatwal i kom gicikkene.

6En onyuto twero me ticce bot lwakke,

omiyogi lobo pa lurok wek gucam obed megi.

7Tic ma en tiyo ducu obedo me ada dok tye atir,

cikke ducu tye iye gen madwoŋ.

8Gimoko matwal dok giri nakanaka,

ma myero gilubgi ki ada dok ki cwiny ma atir.

9En okelo lar bot jone,

dok oketo gicikkene kwedgi me bedo matwal.

En leŋ dok myero gilwore!

10-Lworo Rwot aye acakki me ryeko,

doŋ jo ma lubo gin ma en ociko gibedo ki niaŋ maber.

Dano gibipake nakanaka!

Baibul 1985

© 1985 The Bible Society of Uganda

More Info | Version Index