Search form

Jabuli 125

Rwot tye orumo lwakke woko dyere

1Jo ma geno, Rwot gitye macalo got Cion,

ma pe gitwero dirone gikobo ka mukene,

ento cuŋ mere kacel matwal.

2Kit macalo godi gurumo Jerucalem woko dyere-ni,

Rwot bene orumo jone woko kumeno,

nia i kare-ni cito kwede anyim nakanaka.

3Jo ma kitgi raco kadi gumak odoo ker me loc

ci pe gibiloyo lobo ma gimiyo bot jo ma kitgi atir,

wek jo ma kitgi atir pe gurye ciŋgi me timo gin marac.

4Tim ber bot jo ma kitgi beco,

ki bot jo ma cwinygi tye atir.

5Ento jo ma lokke gilubo yogi mugom

Rwot biterogi ribogi ki lutim maraco!

Kuc obed i Icrael!

Baibul 1985

© 1985 The Bible Society of Uganda

More Info | Version Index