Search form

Jabuli 13

Lega pi kony i kare me can

1Ai Rwot, wii mono biwil woko i koma pi kare, ma rom mene?

Wii biwil woko matwal bo?

Ibikanne woko ki bota pi kare ma rom mene?

2Myero abed ki arem i cwinya pi kare ma rom mene,

dok bene myero abed ki cwercwiny dyeceŋ ki dyewor benebene?

Lukworra kono gibiloya, wigi pil i koma pi kare ma Tom mene?

3Nen tuŋ bota ci igam doga, ai Rwot Lubaŋana.

Meny waŋa, wek pe anin nino me to,

4miyo lukworra giwacci, “Watyeko loyo en woko!”

Dok pe iwek lukworra gubed ki yomcwiny ni pien doŋ apoto i can.

5Ento an doŋ atyeko geno mar meri ma pe lokke;

abibedo ki yomcwiny pi lar meri.

6Abiwero wer bot Rwot,

pien otima maber atika.

Baibul 1985

© 1985 The Bible Society of Uganda

More Info | Version Index