Search form

Jabuli 14

Miŋo ki tim maraco pa dano ma i lobo

1-Dano ma lamiŋ waco ki, i cwinye ni,

“Lubaŋa gire pe,”

Gin jo ma kitgi raco ma gitimo gin me kwer;

pe tye ŋat mo ma tiyo gin maber.

2Rwot neno dano ducu kun neno piny ki i polo,

me neno ka ce tye jo mogo i kingi ma gitiyo ki ryeko,

ma gimito Lubaŋa.

3Gin ducu doŋ guŋak woko, gudoko jo ma kitgi raco;

pe tye ŋat mo ma tiyo gin maber, pe tye, kadi ki acel.

4Gin lutim maraco-ni, pe gitye ki ŋec?

Giyako lim pa jona calo gicamo kwon,

ma pe bene gilwoŋo nyiŋ Rwot.

5Gibibedo kunnu ki lworo madwoŋ,

pien Lubaŋa tye ki jo ma kitgi atir.

6Wun wumito balo yub pa lacan, ento Rwot aye ka Larrene.

7Iyo, kono bedo ber ka larre pa jo Icrael bi no ki i Cion!

Ka Rwot bidwoko gum bot jone,

Yakobo bibedo ki yomcwiny madwoŋ,

ki Icrael bene cwinye bibedo yom.

Baibul 1985

© 1985 The Bible Society of Uganda

More Info | Version Index