Search form

Jabuli 15

Jo ma gibedo i wi got maleŋ pa Lubaŋa

1Ai Rwot, aŋa ma bibedo i kemani?

Aŋa ma bibedo i wi got meri maleŋ?

2Dano ma cwinye leŋ; dok ma tiyo ginma atir,

ma loko bene lok me ada ki cwinye ducu;

3ma pe coko lok me kwot i lok ma en loko,

dok en pe timo gin marac mo i kom lareme,

dok pe balo nyiŋ lawote.

4En cayo jo ma pe giworo Lubaŋa,

ento en woro jo ma gilworo Rwot.

Pe loko kwoŋ ma yam okwoŋo kadi bed kwoŋŋe-ni kelle can.

5En pe mito enoŋ magoba i kom lim ma en konyo ki dano,

dok pe gamo lim ma giwile kwede i muŋ

wek giwe lok odok i kom dano ma pe ki bal,

ŋat ma tiyo kumeno pe gidiro woko cen.

Baibul 1985

© 1985 The Bible Society of Uganda

More Info | Version Index