Search form

Jabuli 23

Rwot aye lakwatta

1Rwot aye lakwat ma kwayo an;

pe tye gin mo ma birem bota.

2-En miyo abuto i olet maber,

en tera i waŋ pii maŋic.

3En roco kwona doko nyen.

En tela miyo abedo ki kit kwo ma atir

pi nyiŋe kene keken.

4Kadi bed awoto i nota me tipo to,

pe abilworo gin marac mo;

pien in it ye kweda;

toŋŋi ki odooni me kwat gimiyo cwinya bedo tek.

5Iketo meja me cam i nyima

ma onoŋo lukwor mera bene gineno;

ijola maber kun iwiro wiya ki moo,

ki kopona bene opoŋ woko libyeny.

6Adada, berri ki kicani bibedo i koma

pi kare me kwona ducu;

dok an abibedo i ot pa Rwot matwal.

Baibul 1985

© 1985 The Bible Society of Uganda

More Info | Version Index