Search form

Jabuli 43

Lega pi loyo kop pi lar

1Ai Lubaŋa, pid pira dok imi alo kop

i kom lwak me rok ma pe giŋeyi;

lara ki i cin jo maraco ma lubwola.

2In aye Lubaŋa ma ariŋo alaro boti;

piŋo ibola woko cen ka mabor?

Piŋo awoto ma akumo akuma

kun lakworra una twatwal?

3Doŋ icwal ceŋŋi ki adani;

wek gutela,

wek gukela i kom got meri maleŋ,

wa i odi ka ma ibedo iye!

4Ci abicito wa i kom keno tyer pa Lubaŋa,

bot Lubaŋa ma yomo cwinya mada;

ka doŋ abipaki ki opul agoya, ai Lubaŋa, Lubaŋana.

5Piŋo cwinya poto, dok abedo ki cwercwiny?

Piŋo awinyo lwak par madwoŋ i cwinya?

Pud abigeno Lubaŋa aye, dok abipake bene,

Latar mera ki Lubaŋana.

Baibul 1985

© 1985 The Bible Society of Uganda

More Info | Version Index