Search form

Jabuli 53

Miŋo ki tim maraco pa dano ma i lobo

(Jab 14.1-7)

1-Dano ma lamiŋ waco ki i cwinye ni,

“Lubaŋa gire pe,”

Gin jo ma kitgi raco ma gitimo gin me kwer;

pe tye ŋat mo ma tiyo gin maber.

2Lubaŋa neno dano ducu kun neno piny ki i polo,

me neno ka ce tye jo mogo i kingi ma giryek,

ma gimito Lubaŋa.

3Gin ducu doŋ guŋak woko, gudoko jo ma kitgi raco;

pe tye ŋat mo ma tiyo gin maber, pe, kadi ki acel.

4Gin lutim maraco-ni, pe gitye ki ŋec?

Giyako lim pa jona calo gicamo kwon,

ma pe bene gilwoŋo nyiŋ Lubaŋa.

5Gitye kunnu ki lworo madwoŋ

kit lworo ma yam peya onen!

Lubaŋa biketo cogo pa jo ma pe giŋeyo en woko ata;

lewic bimakogi, pien Lubaŋa doŋ okwerogi woko.

6Iyo, kono bedo ber ka larre pa jo Icrael bino ki i Cion!

Ka Lubaŋa bidwoko gum bot jone.

Yakobo bibedo ki yomcwiny madwoŋ,

ki Icrael bene cwinye bibedo yom.

Baibul 1985

© 1985 The Bible Society of Uganda

More Info | Version Index