Search form

Jabuli 61

Gen ni Lubaŋa bigwoko dano

1Winy kokona, ai Lubaŋa, dok iwiny legana.

2Akok boti ki ka mabor, ki i agikki lobo,

ka cwinya doŋ odem woko.

Tela itera i kom got mabor ma kata;

3pien in aye ka larrena,

in cel matek ma igwoka i kom lukworra.

4Wek abed i kemani nakanaka!

Wek akanne i te bwomi abed ki kuc!

5In doŋ ityeko winyo lokka, ai Lubaŋa,

dok ityeko miya gipiny pa jo ma gilworo nyiŋi.

6Med mwaka mapol i kom nino me kwo pa kabaka;

wek obed nakanaka i kare pa yalwak ducu!

7Mi en obed i wi komker nakanaka i nyimi, ai Lubaŋa;

dok igwoke ki mar meri ma pe lokke, ki adani.

8Pi meno abiwero wer kun apa ko nyiŋi,

kun acobo bene kwoŋŋa ma akwoŋo i nyimi nino ki nino.

Baibul 1985

© 1985 The Bible Society of Uganda

More Info | Version Index