Search form

Jabuli 70

Lega pi kony

(Jab 40.13-17)

1Ai Lubaŋa, mi cwinyi obed yom me lara!

Ai Rwot, bin oyotoyot ikonya!

2Wek Lewic omak jo ma gimito neka

dok gubed ki anyobanyoba bene;

wek gidwokgi cen,

wek alee otwodgi,

gin jo ma mito tima marac-ci!

3Wek gubed ma piny orem kwedgi woko pi lewic ma doŋ omakogini,

gin jo ma giwacca ni, “Aa, Aa!”

4Ento mi dano ducu ma giyenyo in gubed ki yomcwiny madwoŋ i komi;

dok imi jo ma gimaro larri gumedde ki waco nakanaka ni, “Lubaŋa dit!”

5An gira lacan, dok piny obwoya woko;

bin bota oyotoyot, ai Lubaŋal In aye lakony ki lalarra;

ai Rwot, pe igalle!

Baibul 1985

© 1985 The Bible Society of Uganda

More Info | Version Index