Search form

DYUNG 27

Phon

(Dyu 38:1-7)

1Nvng akhesha saiq yah phon dvkoeuq kuot chah: houka soehuqthunk nghuot las xing choeu 7 pe dvkhyamh, khonh choeu 7 pe dvkhyamh, nyhang choeu 4 pe dvkhyamh nghuot chah. 2Hau nyei thunk mas khyau eq tap chah; hauh zis gas phon yah dvgungs teh nghuot chah. Nvng hauh yvlyis thunk yah tsain kyop chah. 3Nyiyvp kham das auh, tsohthauh, phont, shohjwi, nyibvn tsain kuot chah: hauh kyahsoe dvnganh yvlyis thunk yah kuot chah. 4Nvng thunk dvn-gya kuot las hau dah nyei thunk mas thunk khwank nyei koeuq tap chah. 5Hauh thunk dvn-gya lyis phon vzam o mha toh chah. Housoeh hau dvn-gya gas phon nyhang choeu dvgohyih mas duons das. 6Phon dvng das xiklyis akhesha saiq yah tanzoe tsain kuot las thunk yah kyop chah. 7Hau tanzoe aiq koeuq lyis vkhwank mas tsain jauh las, phon dvng uhlyis tanzoe dvshot dvkoeuq nghuot das. 8Phon lhyi saiq yah kuot las vkhau khungh nhang chah: hauh zis ngos nvng lyis boms mas chixoeuq vgus nghuot das.

Yhensain Zvng Khyam

(Dyu 38:9-20)

9Nvng hauh Zvng khyam lhyi misyhwiq seh yah lhaink toh chah. Mautyi shot pheh khyam gos gas 50 gaiq xing chah. 10Hauh yvlyis thuk das zis zains aiqci yahge thunk phangh aiqci kuot las nghweh yahge zains kweh gas ngwis yah nghuot chah. 11Houyah dvyhangteh mautsung shot pheh eq 50 gaiq xing dah khyam gos mas zains aiqci, nyah phangh aiqci lhyi thunk yah kuot las, nghweh yahge zains kweh lyis gas ngwis yah tsain kuot chah. 12Buiswvng shot pheh dah khyam gos gas 25 gaiq xing lha zains dvci, phangh dvci nghuot chah. 13Buisthuq shot pheh ganthoq khyam khonh choeu mha eq 25 gaiq nghuot. 14khyam khomh dah dvshot pheh khyam gos 7 gaiq dvkhyamh yahge zains somh lom, phangh somh koeuq nghuot. 15Gohtoeu dvshot mas eq khyam gos 7 gaiq dvkhyamh yahge zains somh lom, phangh somh koeuq nghuot. 16Khyam khomh xiklyis khomh gos gas 10 gaiq nghuot. Houka jeini las vlanh, nesnoq, vnes yah yoq dah misyhwiq seh mas ban thauh tap las shunk zis nghuot. Hauh yvlyis thuk das zains nyei lom mas phangh nyei koeuq nghuot. 17Khyam lhaink las zains chank yah zains kweh lang tsoq goh toh chah: nghweh gas ngwis yah, phangh gas thunk yah nghuot. 18Hauh khyam dah xing choeu 50 gaiq, lvm choeu 25 gaiq, nyhang choeu aiq gaiq dvkhyamh nghuot. Gosseh gas misyhwiq seh yah, phangh eq thunk yah nghuot. 19Zvng mas yhung dah vyhang dvnganh, zvng yahge zvng khyam xiklyis dah jywangh dvnganh lyis thunk yah kuot chah.

Nyitoengh Ba

(Lew 24:1-4)

20Nyitoengh vjangh duk joq das xiklyis tuonh das zis Israel jens lyis, tsanlun coeu gyingh lyis nah jyank mas chi los das xiklyis tying aq. 21Thanghchvp Kwi xikkhonh gosseh dah nghe pheh, zvng khau mha Aron yahge nyah loloeu jens gas Yhensain xikkhonh mas nyi tuonh chah. Houka nyenhthang masyah nvpyo jweh shoq nyi duk nyeis das. Haih vmingh gas Israel jens mas vcaiq caiq muh gyamh huon zis nghuot.

Ngochang Common Language Bible

© Bible Society of Myanmar 2010

More Info | Version Index