Search form

GYUNG 26

Israel Aiq Vlhain Nyings Kui

1Hau yomh bi thang lhyi, Moshe yahge Aron lo phudyei Eleaza lyis Yhensain taiq zis gas, 2Israel dius phung gonh mas nyenhkyi aiqci zvn masyah thoq pheh bang, jesmuh wons geh dah yukgis jens dvnganh lyis uwus moq yhen khyvlyis dius nyings kui geh, ge. 3-4Moshe yahge Eleaza gas domsyos gyo las nyenhkyi hounyhoq bos bang yukgis dvnganh lyis khi tsainh. Nyamoq eq Yerikho twi twi, Yodan lvng buisthuq tvp Moab pa mha los tsain huom toh.

Haih bang gas Egutu masyah thuq los dah Israel jens nghuot.

5Yakop dah lomons: Ruben vkoq mas Hanok vhuh, Palu vhuh; 6Hezron vhuh; Kharmi vhuh. 7Haih vhuh jens mas suon bos bang nyeimons somh khyoengh nyhetxo somhci yuk. 8Palu dah vnyau vshih jens gas Eliab; 9Eliab lo jens gas Nemuel, Dathan, Abiram nghuot. Heika Dathan yahge Abiram gas dius phung yah khyen toh zis xauh bang nghuot. Nyah aiq yuk gas Moshe yahge Aron lyis toeu nghank las, Kora jens Yhensain lhyi gomloeus toq uhlyis Kora dah thang chank bang yah tsoq loh. 10Nyeisjvng nhuot haq las nyamoq lyis nyhau tyamp, nyah aiq yuk eq Kora yah dvgeh shei loh. Hauh uhlyis Kora thang chank bang aiqxo oengci lhyi nyi yah mhont las dius jens dah yikhyoh bweh loh. 11Nghuot laus eq Kora lo jens gas sat zis ma xauh.

12Simon vkoq: Nemuel vhuh, Yamin vhuh, Yakhin vhuh, 13Zera vhuh, Shaul vhuh tsain nghuot. 14Haih vhuh jens suon bos bang aiqmons aiq khyoengh aiqxo yuk.

15Gad vkoq: Zephon vhuh, Hagi vhuh, Shuni vhuh, 16Ozni vhuh, Eri vhuh, 17Arod vhuh, Areli vhuh. 18Haih vhuh jens mas suon bos bang nyeimons oengxo yuk.

19-21Yuda vkoq: Shela vhuh, Pere vhuh, Zera vhuh, Hezron vhuh, Hamul vhuh tsain nghuot. (Yuda dah loloeu tang Er yahge Onan gas Khanan mau mas shei khoq goeus.) 22Haih vhuh jens suon bos bang nyhetmons khyuk khyoengh oengxo yuk.

23Isakha vkoq: Tola vhuh, Pua vhuh, 24Yashub vhuh, Shimron vhuh nghuot. 25Haih vhuh jens mas suon bos bang khyukmons nyei khyoengh somhxo yuk.

26Zebulun vkoq: Sered vhuh, Elon vhuh, Yalel vhuh tsain nghuot. 27Haih vhuh jens mas suon bos bang khyukmons oengxo yuk.

28Yosep vkoq: nyang gas lo aiq yuk Manase yahge Ephraim dah uwus nghuot.

29Manase vkoq: Manase dah lo Makhi ka Gilead dah uwus nghuot. O mha dah vhuh gas Gilead dah dius yaus gyung jyank toh. 30Iezer vhuh, Helek vhuh, 31Asriel vhuh, Shekhem vhuh, 32Shemida vhuh, Hepha vhuh nghuot. 33Hepha lo Zelophehad gas loloeu ma bos, lonyi kyingh dvtsain nghuot. Nyamoq nyings gas Mala, Noa, Hogla, Milkha, Tirza tsain nghuot. 34Haih vhuh mas suon bos bang oengmons aiq khyoengh nyhetxo yuk.

35Ephraim vkoq: Shuthela vhuh, Bekhe vhuh, Tahan vhuh tsain nghuot. 36Shuthela masyah yaus lyih dah Eran vhuh eq bos. 37Haih vhuh mas suon bos bang somhmons aiq khyoengh oengxo yuk.

Haih vhuh gas Yosep masyah dyos lyih bang nghuot.

38Benyamin vkoq: Bela vhuh, Ashbel vhuh, Ahiram vhuh, 39Shephupham vhuh, Hupham vhuh tsain nghuot. 40Ard vhuh yahge Nam vhuh gas Bela masyah yaus lyih bang nghuot. 41Haih vhuh jens mas suon bos bang nyeimons oeng khyoengh khyukxo yuk.

42Dan vkoq: Shuham vhuh nghuot. 43Shuham vhuh suon bos bang khyuk mons nyei khyoengh nyeixo yuk.

44Asher vkoq: Imna vhuh, Ishwi vhuh, Beria vhuh tsain nghuot. 45Heber vhuh yahge Malkhiel vhuh gas Beria masyah dyos lyih bang nghuot. 46Asher mas Sera ge lonyi dvyuk bos. 47Haih vhuh jens mas suon bos bang oengmons somh khyoengh nyeixo yuk.

48Napthali vkoq: Yazel vhuh, Guni vhuh, 49Yezer vhuh, Shilem vhuh tsain nghuot. 50Haih vhuh mas suon bos bang nyeimons oeng khyoengh nyeixo yuk nghuot.

51Israel jens dvnganh lyis khyuksens dvkhyoengh nyhetxo somhci nghuot.

52Yhensain Moshe lhyi taiq, 53Nyamoq dah vkoq nyings bos khyvlyis nyo nain vso maunyeis gvm dyei aq. 54-56Dius nyo dah vkoq lyis maunyeis kuh zis, dius nain dah vkoq lyis ngis zis, doeugoh zis yah nyah gvmboms gvm dyei aq.

57Lewi vkoq mas Gershon vhuh, Kohat vhuh, Merari vhuh tsain bos. 58Nyamoq dah dius jangh caiq mas Libni, Hebron, Mali, Mushi, Kora ge vhuh lo tsain bos shih. Kohat gas Amram dah uwus nghuot. 59Amram gas Egutu mas khoeu los, Lewi dah Lonyi Yokhebed lyis phoengh hwank. Nyang gas Amram xiklyis loloeu aiq yuk Aron yahge Moshe, lonyi Miriam lyis tsain khoeu dyei. 60Aron mas Nadab, Abihu, Eleaza yahge Ithama ge loloeu nyei yuk bos.61Nadab yahge Abihu ka Yhensain lhyi ma gyingshang dah nyi yah phudyei uhlyis shei loh. 62Lewi yukgislo jens lhamhmuh dvkhyvp thoq pheh suon bos bang aiqmons somh khyoengh nghuot. Nyamoq lyis gas Israel jens masyah gohtoeu lhaih toh. Khasoeh ge lyis Israel jens mas nyamoq lyis zisyos cha ma dyei.

63Haih vhuh dvnganh gas Yerikho masyah Yodan lvng thyitvp Moab pa mha Israel jens lyis nyings kui uhlyis Moshe yahge Eleaza lhaih toh zis nghuot. 64Sina mhanhdyvp mas Moshe yahge Aron cangxeih nyings kui lha lhaih toh bang mas dvyuk yangh ma nyet lo. 65Yaphun lo Khaleb yahge Nun lo Yoshua mas lai las nyamoq dvnganh mhanhdyvp mas shei das ge Yhensain taiq goeus las, nyamoq dvnganh shei goeus.

Ngochang Common Language Bible

© Bible Society of Myanmar 2010

More Info | Version Index