Search form

GYUNG 33

Egutu masyah Moab Gyung cho

1Hai o mha dyei toh zis gas Moshe yahge Aron shwih dah Israel jens Egutu masyah thuq khoq thang lhyi vkoq khyvlyis thoeng khoq thoenggus joqyos nyings tsain nghuot. 2Yhensain dah vmingh yah nyamoq dvp thoeng khanghmuh Moshe lhaih comh toh dah joqyos nyings tsain nghuot.

3Lhamhmuh cangxeih vkhyvp, dvci oeng vnyeih, cangxeih Lhuiq Kat Pwe dah nungsnvp, Israel jens gas Egutu masyah thuq khoq. Yhensain gomh dyei dah vkhau mha Israel jens gas Egutu bang dah xikkhonh mas, Ramese wus masyah womh womh thuq khoq. 4Egutu bang gas, Yhensain sat dah loxeih lyis tsain ba nyhop nyeis. Heisoeh kuot zis yah Yhensain ka Egutu mangso jens thoq lyis yomsoq zes bos cho chixoeuq.

5Israel dius jens gas Ramese mhayah thuq las Sukhot mas dvp thoeng. 6Thang lhyi dah thoenggus gas mhanhdyvp vthang Etham mha nghuot. 7Etham mhayah Bal Zephon dah buisthuq pheh Pi Hahirot pheh tauh loh las Migdol nvm mas thoeng. 8Pi Hahirot masyah thot zis, Thomh Nes lai las Etham mhanhdyvp mas somh nyeih jens loh thang lhyi Mara mas thoeng. 9Mara masyah thot zis Elim mas thoeng. Houmha jeisthuq dwang dvci aiq dwang yahge dyoms nyhetci zains yuk yvmvyah nyamoq houmha thoeng.

10Elim masyah thot zis Thomh Nes nvm mas thoeng. 11Nyamoq Thomh Nes nvm masyah Sin Mhanhdyvp mas thoeng. 12Sin mhanhdyvp masyah Dopka mas thoeng. 13Dopka masyah Alush mas thoeng. 14Alush masyah thot zis Rephidim mas thoeng. Houmha nyamoq xiklyis shuk das jeis ma joq.

15-37Rephidim masyah Hor jweh shoq o mha dah joqyos mas dvp tsain thoeng. Sina mhanhdyvp, Kibrot Hatawa, Hazerot, Ritma, Rimon Pere, Libna, Risa, Kehelatha, Shepher Boms, Herada Makhelot, Tahat, Tera, Mitka, Hashmona, Moserot, Bene Yakan, Hor Hagid, Yotbatha, Abrona, Ezion Geber, Zin mhanhdyvp Kadesh, Edom mau thang Hor Boms mas thoeng.

38-39Yhensain dah vmingh vgus phudyei Aron gas Hor Boms mas loh doq shei. Hauh uhlyis nyang nyenhkyi 123 zvn bos goeus. Houka Israel jens Egutu masyah thuq los zis nyeici vzvn, oeng vkhyvp, das vnyeih lyis nghuot.

40Israel jens doq los nyeis, ge cho Khanan mautyi pheh dah hwankti Arad xauhgyo.

41-49Hor boms masyah Moab pa mha Israel jens o mha dah joqyos mas dvp thoeng. Zalmona, Punon, Obot, Moab wuxom mha Iye Abarim, Dibon Gad, Almon Diblathaim, Nebo boms nvm mas dah Abarim boms jens, Yerikho twi twi Yodan lvng haqtvp Moab pa, Bet Yeshimot yahge Akhesia langhkhau jo mas nghuot.

Yodan lvng Goeu das cho Dyens mhoq

50Yerikho masyah Yodan lvng goeu dah Moab pa mha Yhensain Moshe lhyi, 51Israel jens xiklyis o mha dah taiqshet cho dyei. Namoq Yodan lvng goeu las Khanan mau mas jweh lyis, 52Houmha nyeis dyos bang dvnganh lyis khat tyamp chah. Nyamoq dah luk, ngwis xing phvra dvnganh, nyamoq paiq dah joqyos dvnganh lyis mhont tyamp chah. 53Ngos namoq lyis hauh mau dyei goeus las, nyamoq wvng sain lha houmha nyeis geh. 54Vkoq nyoshoq, vhuh nyoshoq mas doeugoh zis yah hauh maunyeis gvm yoeus chah; dius nyo vhuh lyis vso maunyeis kuh kuh, dius nain vhuh lyis ngis ngis dyei chah. 55Namoq hauh mau bang mas nyeis dyos bang lyis ma khat tyamp lyis gas, nyet joq bang gas namoq nyoq mas zoeu, namoq nvmjaus mas tyanghchon duot las, namoq lyis zan das. 56Nyamoq lyis ma khat tyamp lyis gas, ngos nyamoq lyis mhont das cvq zis namoq lyis mhont das, ge.

Ngochang Common Language Bible

© Bible Society of Myanmar 2010

More Info | Version Index