Search form

GYUNG 34

Maukyo Toh

1Yhensain Moshe lhyi, 2Israel jens xiklyis o mha dah taiqshet cho dyei. Ngos namoq lyis dyei dah Khanan mau mas jweh lyis, namoq dah wuxom maukyo ka o mha taiq toh khyvlyis nghuot chah. 3Mautyi maukyo ka Zin mhanhdyvp masyah Edom maukyo chank yah loh. Buisthuq pheh Coh Thomh mautyi vthang masyah xi. 4Hauh thang lhyi mautyi pheh Akrabim langhwuq pheh xoeu gyoh loh las Zin mhanhdyvp lai las mautyi pheh Kadesh Barnea wus jweh shoq nghuot. Hauh thang lhyi Buiswvng mautsung pheh xoeu lha Haza Adar yahge Azmon, 5Azmon mhayah Egutu maukyo langhkhau shot xoeu loh las Mediteranean Thomh mas thank.

6Buiswvng pheh maukyo ka, Mediteranean Thomh nghuot chah.

7Mautsung maukyo ka, Mediteranean Thomh masyah Hor boms pheh loh lho lha, 8Hou mhayah Hamat langhwuq pheh, Zedad wus pheh tsoq loh las, 9Zephron masyah loh las Haza Enan mas thank.

10Buisthuq maukyo ka, Haza Enan masyah Shepham pheh. 11Hauh thang lhyi mautyi pheh Ain buisthuq shot Harbel gyoh las Galile thomhlo dah buisthuq pheh thomh yvm jing cho gyoh loh. 12Hauh zis mautyi pheh Yodan lvng chank yah Coh Thomh mas thank.

Houka namoq mau dah nyei shot maukyo tsain nghuot, ge.

13Housoeh las Moshe Israel jens lyis taiq: Heika Yhensain dyei toh, doeugoh zis yah hau gau koq dvkhyamh xauh yoeus das maunyeis nghuot. 14Ruben vkoq, Gad vkoq, yahge buisthuq pheh nyeis dah Manase vkoq dvgohyih gas nyamoq yhenbang khyvlyis gvm dah vso maunyeis xauh yoeus goeus. 15Houka Yerikho twi twi Yodan lvng buisthuq tvp pheh nghuot, ge.

Uhshe bang mau gvm yvwons

16Yhensain Moshe lhyi taiq. 17Phudyei Eleaza yahge Nun lo Yoshua gas dius jens lyis vso maunyeis gvm dyei das. 18Hau gvm dyei yvmas pangh das xiklyis dvkoq mas uhshe soeu dvyuk yoeus chah. 19-28Heika Yhensain khyen yoeus bang nghuot.

Vkoq Uhshe soeu
Yuda Yephun lo Khaleb
Simon Amihud lo Shemuel
Benyamin Chislon lo Elidad
Dan Yogli lo Buki
Manase Ephod lo Haniel
Ephraim Shiptan lo Kemuel
Zebulun Parnak lo Elizaphan
Isakha Azan lo Paltiel
Asher Shelomi lo Ahihud
Napthali Amihud lo Pedahel.

29Haih zis gas Israel jens lyis Khanan mau mas vso maunyeis gvm das xiklyis Yhensain toeuq toh bang nghuot.

Ngochang Common Language Bible

© Bible Society of Myanmar 2010

More Info | Version Index