Search form

GYUNG 35

Lewi Wus jens Toeuq

1Yerikho masyah Yodan lvng thyitvp, Moab pa mha Yhensain Moshe lhyi taiq. 2Israel jens lyis taiq aq: Nyamoq xauh yoeus dah vso maunyeis masyah Lewi jens nyeis das wus jens dvkhamh yahge hauh wus vnvm mas dah katjang dyei chah. 3Haih wus jens gas Lewi jens lyis nyeis nhang das las nyamoq houmha nyeis das. Katjang gas nyamoq noeu, yahge gohtoeu gaunyhauq dvnganh nyhenshang nghuot das. 4Hau katjang maunyeis gas wusciank masyah nghe pheh nyei shot pe dvkhyoengh oengxo xo jyeq kat chah. 5Housoeh hauh katjang gas soehuqthunk nghuot las dvshot dvshot keq lyis pe somh khyoengh khyoengh nghuot. Wus gas hauh vgungs mas joq. 6Namoq Lewi jens lyis phang khau das wus khyuk wus dyei chah. Houmha hank laus eq dius dvyuk yuk lyis zangh sat lyis yoh phang khau. Nyamoq lyis gohtoeu nyeici aiq wus lung dyei chah shih. 7Hauh wus jens yah dvgeh nyamoq dah katjang wus jens Lewi jens lyis dyei das las wus dvnganh lyis nyeici xet nghuot chah. 8Israel dvkoq dvkoq mas nyeis dah Lewi jens dah wus nyhenshang maunyeis nyo bang nyo khyvlyis, nain bang nain khyvlyis gvm dyei chah, ge.

Phang Khau Wus jens

(Lyi 19:1-13; Yosh 20:1-9)

9Yhensain Moshe lhyi taiq. 10Israel jens lyis taiq aq: Namoq Yodan lvng goeu las Khanan mas wvng lyis, 11Nvng dvyuk yuk lyis zangh sat lyis yoh phang khau das wus khyen chah. 12Houmha, dius sat soeu ka shei soeu dah boekyis lvto phuk masyah jesluiq das. Moqphung xikkhonh mas soe ma tuon shih lyis hank eq dius sat soeu lhyi zau kauq zis yah ma gis sat. 13Khyuk wus khyen toh. 14Yodan lvng buisthuq tvp pheh somh wus, Khanan mau mas somh wus nghuot. 15Hauh wus jens gas, Israel jens xiklyis eq, dvsoq nyeis, nghuot ya vjangh nyeis dah lvbaus xiklyis eq phang khau das wus tsain nghuot. Dius dvyuk yuk lyis zangh sat soeu hank laus eq hau dvwus wus mas yoh phang khau.

16-18Nghuot laus eq namoq dvyuk yuk thyeq kyonhkhyi, luk, saiq yhung lha dius dvyuk yuk lyis sat lyis gas, dius sat yobos bos las nyang lyis sat chah. 19Hau shei soeu dah ni thank boekyis gas hau dius sat soeu lyis sat das yvwons bos.

20Nvng dvyuk yuk lyis hoeng lha duon thyet khyoq sat, nghuot ya dvja ja yah doeuh sat, 21loqtsop yah chuiq sat lyis, nvng gas dius sat yobos bos las nvng gas sat zis xauh chah. Hau shei soeu dah ni thank boekyis gas hau dius sat soeu lhyi sat das yvwons bos. Nyang nvng lyis xo nyvng lyis sat das.

22Nghuot laus eq, nyang ma hoeng zis dvzangh duon khyoq, dvzangh doeuh sat. 23Nvng dvyuk yuk lyis pa-i ma kuot, nah jeswus eq ma nghuot soeu lhyi ma zangh yoeuh las luk yah zangh doeuh sat lyis, 24housoeh teh soe mha dius phung ka, shei soeu dah boekyis lvto phuk das zis xo soeu shot pheh ma dap, nah shot pheh dap las soetuon dyei das. 25Nvng dius sat dah yobos bos lyis, moqphung ka shei soeu dah boekyis loq masyah khyuot las, nvng phang luiq dah phang khau wus mas doms loh nhang chah. Nvng gas houmha hauh yoq lyis dah phudyei zainsmuh shei shoq nyeis chah. 26Nvng phang luiq las khau nyeis wus masyah thuq las, 27shei soeu dah boekyis nvng lyis xo nyvng las sat lyis, heiteh lvto phuk cho ka dius sat zis ma nghuot las cangjau ma bos. 28Hank laus eq dius sat yobos bos soeu ka phang khau wus mas dah phudyei zainsmuh shei shoq nyeis chah; Hauh thang lhyi nah yhen mha dvyoh tauh loh das. 29Haih lyi gas namoq yahge namoq dah vnyau vshih khalhye nyeis laus eq toeuq toh cho nghuot.

30Dius sat ge kauq zis xauh soeu ka yobos bos ge nyvng dah kanghjyoeng aiq yuk somh yuk dah dang yah sat zis xauh chah: kanghjyoeng dvyuk kyingh yah gas ma gis sat. 31Dius sat soeu shei chah. Ngwis yoeus las nyah kang lhyi ma gis lhuiq kat. Nyang lyis sat chah. 32Phang khau wus mas phang luiq soeu ka, phudyei zainsmuh ma shei shih lyis, nyah choqthyet wus mas tauh loh das xiklyis ma gis khyuot. 33Nvng khyuot las lhuiq kat lyis nvng namoq nyeis mau lyis vwot v-oeu kuot goeus. Dius sat soeu lhyi sat cho yah kyingh ma nghuot lyis gas, hauh mau lyis ma yoh cheih. 34Nvng nyeis dah mau lyis vwot v-oeu vkuot, khasoeh ge lyis ngos Yhensain nghuot, ngos Israel jens mas nyeis, ge.

Ngochang Common Language Bible

© Bible Society of Myanmar 2010

More Info | Version Index