Search form

Filip eyŋ e lɛl 3:8-9

8-9Jesu Krist ɛm Ɛs Kↄtↄkↄ ecʼany eke mi kʼuw a, anake el low tasi eke ↄny any a. Ɛm e tutr ɛm a, low fɛŋ eke wɛl bʼɛŋn a, elm low kaka Krist ecʼany uw a ecʼany af. Krist sosiɛm, mʼigŋ fɛŋ mʼɛlu es. Mʼↄ́ny Krist anŋ ɛm ab, ke mʼókr af in ab a sosiɛm, mʼam lɛr ów amua fɛŋ ɛsɛ lirŋ af e suw af. Ow elm ol e mʼam ɛlum a sosiɛm mʼelm low nɛnyɛmbri nyam ɛs, kↄ ↄmn eke mʼↄny Krist ɛm a sosiɛm. Nyam anake bʼↄŋ ɛgŋ el low nɛnyɛmbri nyam ɛs a, ɛtŋ ɛgŋ eke bʼↄny ↄmn in ɛm a, li bʼↄŋ ow ow el nɛny nyam ɛs. 10Low a cɛ eke mʼam erur a el: ke mʼúw Krist any, ke mʼúw abusu a yɛji ekʼↄŋʼn lʼigb luw ɛm ab any. Ɛtŋ ow eke ɛmɛny mʼam erur a el: ke mʼíj gbre in ab, ke mʼúw ɛsɛ in ecʼab af.

Amani Owr

© 1998, Association Ivoirienne pour la traduction de la Bible; Wycliffe Bible Translators, Inc.

More Info | Version Index