Search form

2 Gaolliqthu int

Gevq-a nail gaq

Haoqgavq niil keiv iqmoeq ilmoeq bhai Gaqkhoel Paolluv aivq-i mail gevq-a nail ngaol dai, gevq-ai thaq nail ngaol. Al ovqtavq, milnee uqnee khe Khali yaq juq iqsanl, Paolluv-i mail gevq-a nail ngaol dai, noeq nail ngaol.

Gevq-a nail aqyanq khi mail aqduq

Gevq-a nail aqyanq neq, A.D. 55-57 kovq nail gaiqlaq bhai ngaol. Gevq-a nail aqduq neq, Maqgeiqdaolnil milkhaoq bhai ngaol.

Khaq sil gaq bhai gevq bhiq-a nail

Haoqgavq niil keiv Gaolliqthu meenq khe jaol nail Khali yaq munl bhai taivq-ail maq ngel nail, Aqgaqyal milkhaoq doi dai jaol nail Khali yaq juq bhai iqsanl gevq bhiq-a nail haoqgavq ngaol.

Khul bhai noeqthunq khi gevq-a nail

Paolluv Gaolliqthu meenq khe Khali yaq munl bhai Gaolliqthu nail haoqgavq iqmoeq ilmoeq gevq bhiq gaq khi maq maoq maq heel lal mail ganl mee nia phaq ya gaiq-a nail ngaol. Ganl al neq, Paolluv neq, maldil gaqkhoel maq ngel-ail dai, khal ge movq-ail ge khi cavq bheeq nail juq jaol nail ngaol. Alheel ngel-i mail, Paolluv khul khi mail gaqkhoel teevq gaq pevq khi ya nl ya hal ya daq-a nail ganl teevq phaq gil-a neq, teevq phaq aqmeeq-ai cavq naq bhiq nail dai khi, gevq-a nail ngaol. Al ovqtavq, Paolluv aivq Gaolliqthu meenq bhai lee naol dai, bhi heeq kivq nail haqbhoil iqsanl gevq-a nail ngaol.

1 Gaolliqthu khi 2 Gaolliqthu nail gaiqlaq bhai Paolluv nail haoqgavq teevq keiv peiv ail-a nail ngaol. Al nail lavqkhoel khe ganl teevq pav ganav juq, 2 Gaolliqthu haoqgavq lavqkhoel bhai gevq bhoel-ai thaq nail ngaol.

Jalliq aqsivq Gaolkheel daoq

© Wycliffe Bible Translators, Inc. All rights reserved. 

Print publication: The Bible Society of Myanmar

More Info | Version Index