Search form

2 Bheiqtuvluv int

Gevq-a nail gaq

Haoqgavq niil keiv iqmoeq ilmoeq bhai Gaqkhoel Bheiqtuvluv aivq-i mail gevq-a nail ngaol dai, gevq-ai thaq nail ngaol. Al ovqtavq, milnee uqnee khe Khali yaq juq jemao, Bheiqtuvluv-i mail gevq-a nail ngaol dai, noeq nail ngaol.

Gevq-a nail aqyanq khi mail aqduq

Gevq-a nail aqyanq neq, A.D. 65-68 kovq nail gaiqlaq bhai ngaol. Gevq-a nail aqduq neq, Lolmav meenq bhai ngaol dai, noeq nail ngaol. Haoqgavq niil keiv neq, Bheiqtuvluv aivq sil nail aqjail jail lal-u phao, gevq-a nail ngaol.

Khaq sil gaq bhai gevq bhiq-a nail

Haoqgavq niil keiv neq, 1 Bheiqtuvluv haoqgavq gevq bhiq-a nail juq bhai gevq bhiq thaq nail ngaol. Alheel ngel-i mail, haoqgavq niil keiv iqsanl khoeq nail jiovq nail bhai ya daq-a nail ngel-i mail, teevq gaq teevq phao tsaoq pav tsaoq sal-aivq khi jaol nail Miqyail-i mail tsel dov-ai thaq nail tsaol-aq bhai gevq bhiq-a nail ngaol.

Khul bhai noeqthunq khi gevq-a nail

Haoqgavq niil keiv neq, Khali yaq aqhaqlal phao eeq lal heel lal khi yovkav eeq lal dai, gaq bivq nail dai khi, gevq bhiq-a nail ngaol. Maq ngel nail phaq cavq nail cov nail juq bhai yaolphaol yaoq dai, ge noeq bhiq nail dai khi mail iqsanl, gevq-a nail ngaol. Al ovqtavq, Heeqphaq Yeiqsul nvq pov teevq pov gaoq yavq kha lee nail bhai maq nioil peivq mail, neema thaqtsaol nail phaq ivq khi aqmeeq-ai daonq yaoq dai, cavq bhiq cov bhiq-a nail haoqgavq ngaol.

Jalliq aqsivq Gaolkheel daoq

© Wycliffe Bible Translators, Inc. All rights reserved. 

Print publication: The Bible Society of Myanmar

More Info | Version Index