Search form

Eilpheilsu int

Gevq-a nail gaq

Haoqgavq niil keiv iqmoeq ilmoeq bhai gaqkhoel Paolluv aivq-i mail gevq-a nail ngaol dai, gevq-ai thaq nail ngaol. Al ovqtavq, milnee uqnee khe Khali yaq juq jemao iqsanl, Paolluv-i mail gevq-a nail ngaol dai, noeq nail ngaol.

Gevq-a nail aqyanq khi mail aqduq

Gevq-a nail aqyanq neq, A.D. 61 kovq niidai bhai gevq-a nail ngaol. Paolluv Lolmav meenq nail thaonq bhai iqmoeq ilmoeq aol-u phao, gevq-a nail ngaol. Paolluv a bhai aol-u phao, haoqgavq liq keiv gevq-a nail ngaol. Haoqgavq al liq keiv bhai neq, “Thaonq bhai aol khi gevq-a nail haoqgavq” dai, khul nail ngaol. Khul nail haoqgavq dai ge haq neq, Eilpheilsu, Pillilpiv, Gaollaolsail khi mail Philleilmoq nail haoqgavq ngaol.

Khaq sil gaq bhai gevq bhiq-a nail

Haoqgavq niil keiv neq, Eilpheilsu meenq khe jaol nail Khali yaq munl bhai gevq bhiq-a nail ngaol. Eilpheilsu meenq neq, meenq meenq ma teevq meenq pevq khi laovq laovq ma juq nee yalkav gaoq nail jaiqgaiq jaiq kha kha nail meenq teevq meenq pevq nail ngaol. Eilpheilsu meenq khe Khali yaq juq neq, Yuldav tsaol-aq juq nee maqtsil yu nail jeq-e jaq-a juq mao jaiq nail ngaol.

Khul bhai noeqthunq khi gevq-a nail

Haoqgavq niil keiv neq, Paolluv Miqyail-i mail bivq lavq-a nail geeqlaoq eeljaol nail ganl bhai maqkhaiq, hevqkovq nail ganl bhai maqkhaiq, aqdoevq khalhai yaq doevq nail ganl bhai maqkhaiq, aqmeeq-ai bhi heeq nia nail haqbhoil gevq-a nail ngaol.

Jalliq aqsivq Gaolkheel daoq

© Wycliffe Bible Translators, Inc. All rights reserved. 

Print publication: The Bible Society of Myanmar

More Info | Version Index