Search form

Lulkavq int

Gevq-a nail gaq

Haoqgavq niil keiv neq, khaq sil gaq-i mail gevq-a nail dai aqduq aqtsil tsil dai, maq gevq bhoel-ai thaq khi ngaol-aoq, milnee uqnee khe Khali yaq juq, Lulkavq-i mail gevq-a nail dai, noeq nail ngaol. Lulkavq haoqgavq taivq-ail maq ngel nail, Gaqkhoel nail haoqgavq iqsanl gevq-a nail ngaol dai, Jalliq niil nvq doiq bhai heldaiq-u phao, heeq lal nail ngaol. Lulkavq neq, Yeiqsul nail gaqkhoel tsel-nvq gaq nail lavqkhoel bhai maq aol-ail. Aivq nail aqbhu aqma neq, Heiqlaqsal tsaol-aq ngaol.

Lulkavq dai ge nail daoqceevq neq, aqbhaq bhaq bhiq nail dai ge movq nail ngaol. Jalliq gevq-a nail nii dai gaq jaol nail bhai Heiqlaqsal tsaol-aq neq, Lulkavq teevq gaq teevq-eel ngaol. Lulkavq neq, jagaq coev nail saqlaq phao saol-a nail ngaol. Gaqkhoel Paolluv Lulkavq bhai niailhai khul nail ngaol: Ngadao mao-ail gaiq-a nail jagaq coev nail Lulkavq. Ngaq-ai nee teevq gaq khe-ai nl thailthaiq nail Lulkavq.

Yeiqsul nail yeel bhai khal pevq lal-a nail phaq bhai Lulkavq aivq nail maivneev-i mail ya moel-a nail maq ngel-ail. Thailhai ngaol-aoq, yovqgavq nail maivneev-i mail ya moel-a nail juq bhai juq juq-ail maqkhaiq, yaoq gaq yaoq-i mail gevq-ai thaq nail bhai heldaiq heldaiq-ail maqkhaiq, aqmeeq-ai halpov tsel halpov tsel-ail Aqhaqlal Miqyail hevq daiq nail khe-ai, gevq-a nail ngaol.

Lulkavq haoqgavq bhai heldaiq-u phao, Lulkavq neq khalheel nail tsaol-aq ngel-ail dai, ge haq neq, haoqgavq saol moe khi haoqgavq mao-ail gevq nia nail meeq nail aqtsaoq teevq gaq ngaol.

Gevq-a nail aqyanq khi aqduq

Gevq-a nail aqyanq neq, A.D. 58-63 kovq bhai ngaol. Gevq-a nail aqduq neq, Aqgaqyal milkhaoq, Eilpheilsu meenq, Aqdil-aoq meenq, Paqleiqtilna milkhaoq niil juq bhai, pevq nia nail ngaol.

Khaq sil gaq bhai gevq bhiq-a nail

Haoqgavq niil keiv neq, aivq mao-ail ev nail Thaolphilluv dai khul nail aqtsaoq teevq gaq bhai gevq bhiq-a nail ngaol. Thaolphilluv niil gaq bhaqaoq aol khi ganl ganl ma bhai nieivq thaiq nail teevq gaq ngel nail jao-aq. Heldaiq-u phao, Maqthaiq Yuldav tsaol-aq bhai noeq kev khi gevq, Maqkul Lolmav tsaol-aq bhai noeq kev khi gevq-a nail khe-ai, Lulkavq Heiqlaqsal tsaol-aq bhai noeq kev khi gevq-a nail ngaol.

Khul bhai noeqthunq khi gevq-a nail

Haoqgavq niil keiv neq, aivq nail aqtsaoq Thaolphilluv-i mail neema thaqtsaol-a nail ganl al, maldil tsaq nail ngaol dai, bhi heeq nia nail haqbhoil ngaol. Yeiqsul nail yeel lavqkhoel khe khal pevq lal-a nail ganl aqduq aqtsil tsil dai, aivq gevq-ai thaq nail ngaol.

Jalliq aqsivq Gaolkheel daoq

© Wycliffe Bible Translators, Inc. All rights reserved. 

Print publication: The Bible Society of Myanmar

More Info | Version Index