Search form

Psalm 70

U moet gou maak en my help

(Ook Ps 40:14-18)

1Vir die leier van die koor: Van Dawid. Om mense te help om te onthou.

2O God, U moet gou maak en my red.

Here, U moet gou maak en my help.

3Daar is mense wat wil hê dat ek moet sterf,

maar U moenie vir hulle laat wen nie,

hulle moet verloor.

4Daar is mense wat my spot,

U moet hulle laat vlug,

hulle moet weet dat hulle planne nie sal slaag nie.

5Maar die mense wat naby U wil wees,

hulle moet vrolik en bly wees oor U.

Die mense wat bly is dat U hulle gered het,

hulle moet aanhou sê: “God is groot!”

6En ek?

Ek kan myself nie help nie,

ek het niks.

O God, U moet gou na my toe kom.

Net U kan my help en my vrymaak.

Here, U moenie wag nie.

Bybel vir almal

© 2007 Bybelgenootskap van Suid-Afrika. Gebruik met toestemming. Alle regte voorbehou.

More Info | Version Index