Search form

1 Korin 14:32-34

32-34Bro Nkifrar nhai mekahr mrokfom rpatn nathu mrkaknihato tfit womroh yima yuhum myak mmotarahmm. Nhai. Kangr mrokfo kfo pthaneft rpa rpa kfo pthahato rpa yima yuhur rhurahnom. Ndnettn yimam Bro Nkifrarpno mrokfom yakhato mrokfo kfo ptharahm, nhai be rpat sinyahato mrokfom thu mrkaknikfot. Rpa rpa sinyahato mrokfom kfo pthakfot.

Bro Nkifrarhu yimaroh lotu rifiny swir bugam metm sinyahato mrokfom kfo ptha duha. Mosesr kfo boririfhumo mrokfot hikhato metm rom be yindariroh yinhitn rhukfot. 35Nd lotu swirtn wom mett wom yima yuhur nietrt kangt akfo ttiwona, nhai tuha rifiny swirtn sinyahato kfo ttiwonkfot. Inji naraht fasoh yimtnayuk neft naraht. Tamoh ttiwon nmbuham korhm kto kunyko yihato tuthu ramemrn kfo ttiwonkfot.

Bro Nkifrarhu Mrokfot

© 2013-06-11, Wycliffe Bible Translators, Inc. All rights reserved. More Info | Version Index