Search form

2 Korin int

Barkof kfo nuhas mrokfom

Taun Korinthu sios tohyuk wom yimamn wom mrokfo bebm Porr hemotmr, ndtpno Porrhu yima yuhur nhai marnyarmorr. Memor, “Gontwaye nd krho yima yuhur Korint tohyuk sioshu yimam kfo dbruf nuhasrhotanm yima yuhur mirhuruharn tfit hifa yima yuhur hmbriruhanm.” Ndnetrn ndar gontwat wandfamort.

Barkof kfaknimo barkof mrokfom, Porr kfo srh nuhasmorm ror bingot sinyahato Korin thofm kfo nnhu mrokfom hemo yuhat. Nhai be rorhu fijo kfo nnhu mrokfom hermorm. Nhai. Tumn fasoh mrokfom hemotmr ndnetrn kfo nnhumorm. Kfo nnhumotrm rom wanyakhato rroh fasoh nefm fafho thumomm. Kto Porr wanyakhato yima yuhur tfit mirhumorr.

To nd yihart Judia profinsko tohmoa Kristenm nhai hifa toh nmbuhat tohrmom. Faso yatinoh bebobeb yo tamoh hmbresham kaknaf inji namoatm Porr yima yimampno fak nhafohakhemorm. Ndar gontwathu sapta 8-9 Porr to nd maruha yak nhafohneftn Korinmpno mrokfot htamort.

Ndar gontwat kfonimo wuroh mrokfom, Porr kfomor giaman aposerm Korint tohhato Porrhu yufat wahtahato rorhu aposer hingrnefm kfo bebmoa yuham.

Bro Nkifrarhu Mrokfot

© 2013-06-11, Wycliffe Bible Translators, Inc. All rights reserved. More Info | Version Index