Search form

Luk 11:50-51

50-51Douk namudak ali ipak doumeipali douk balan nyapenyipamu enyudak yowenyi seiwak ipakim popem yamem hape heneken hanaki uli. Seiwak bawogas umu God nenek apudak atap, amam habo hanatimaguk profet hanaki aliga hataglali nameitu. Enyudak douk seiwak ipakinu yamenu Ken neneken umu nabo ananinu owaninu Abel nagak umu nyanaki aliga ababuk nyultab amam habo Sekaraia nagikuk umu. Sekaraia neyotu olokohun umu alta nyanu God ananitu nebetali wilpat ali amam hanu. Ali ipak peneken uli pasin douk anyagilapu elpech umu ipak douk penehilaumu enyudak ipakim popem yamem heneken uli. Ali God nakli ipak eke pusah sunatimaguk abasudak bugabus ipakim popem yamem amamibus.

52O panubu mapilipu ipak penek skulumech umu lo uli. Ipak eke punubu pupe sisahw! Umu moneken, ipak yet wo pukukemu enyudak adulin balan e. Ali chopuk, ipak wo pugakamu echudak almam almagowomu chudukemu enyudak adulin balan e, wak. Douk namudak ali ipak pagahumechuk yah echebuk douk chape chabilak umu chakli chulau yopinyi save uli!”

God Ananin Balan

© 2013, Wycliffe Bible Translators, Inc. All rights reserved. More Info | Version Index