Search form

Números int

Aca librojj uqhamwa jiwasanacarojj Israel marcan censopa toketa parlistu. Ucanwa jicjjatapjjtan Moisesajj pä cuti censo aptatapa, nayrïri censojj janïra Sinaí kollut sartawaycänsa ucapacha, payïri censosti cunapachatejj Moab orakena jicjjatasipcän ucapacharaqui, Jordán jawirat inti jalsu tokena. Payïri kallta capitulonacanjja jicjjatapjjaractanwa Israel marcajj suma jacthapitätapa, uqhamaraqui kawkhas soldadonacapajj utji ucanacasa suma jact'atätapa. Mä toketjja Números librojj Éxodo libron tucuyapäcaspasa uqhamaraquiwa. Cunatejj israelitanacarojj wasaran pascataynajja ucanacajj takpacha kellkatawa Sinaí kolluta sartawayasina Jordán jawirata inti jalsu tokeru puripcänsa ucqhacama. Ucqhacamajj pusi tunca maranacaraquiw pasawayjjäna, jupanacasti Diosajj cuna oraktejj churañataqui arscataynasa ucaru mantañataquisa waquichatäjjapjjaraquïnwa.

Kallta llätunca capitulonacajj Israel marcan wasitata sartawayatapatwa parlistu, cunapachatejj Tunca Camachinaca catokapcänsa ucapacha, uqhamaraqui cunapachatejj Pascua fiestsa lurapcäna ucapacharaqui. Ucjjaru tunca payani capitulonacasti cunatejj Sinaí kollut sartawayapcänsa Moab orakeru puriñcama uca tokenacatwa parlaraquistu. Tucuyäwi pusi capitulonacasti cunanacatejj wasaranjja lurascänjja ucanacatwa parlaraquistu uqhamaraqui cuna yatichäwinacatejj utjcän janïra Jordán jawira pascasajja ucanacata.

Números libronjja Israel marcajj cunanactejj wasaran t'akhescänjja ucanacatwa parlaraquistu, ucatwa wali aytat libroraquejja.

Qullan Arunaca

Biblia Aymara ©Sociedad Bíblica Boliviana 1997.

More Info | Version Index