Search form

Lom int

Nkotulu

Ha mambisa ma nkwamusunu dzabwiiri ku Yerusalemi, badibuundu balaka batubuka ku Loma, mu bo kuri Akila na Piriska (Biy 18.2). Bo babaandikiri kuyaabisa Musamu Wamubwete mu bvula didyo. Mu ntaangu yiniyo, Pawulo waba kweyikisaana Musamu Wamubwete mu nsi ya Sirya, ku Asya dyantele, na Helene. Nde waba na musoongo walaka mu kweyikisa Musamu Wamubwete ku Loma (1.15), kampe na ku nsi ya Espanya se. Mu kutuunga kintwaari na badibuundu bari ku Loma, nde wabatinina mukaanda (1.7).

Mu mukaanda wumawu, Pawulo tiiri kusoongo ti, Musamu Wamubwete ngo mpinu dziri mu kusalilaa Nzaambi, mu kubvuukisa baatu bobanso basiila kanyi mu Yesu Kiristo, batete Bayudayo, tumi babo bahele kuba bayudayo (1.16). Tumi kabaangula buri Nzaambi kabvukisilaa muutu wadziimbila, bwooso kabeele, ngo wasa kanyi mu nde (1.18–8.39).

Mosi mu misamu mya mpasi wa kuyaaba, nkya ndyaatulu makaanda mamwaataambula Kiristo, mayelemini kuba na yo, ha busu bwa mangisi ma Bayudayo.

Pawulo wudzoonsolo se mu musamu wuri, Bayudayo bamosi babisa kusa kanyi mu Yesu Kiristo. Nde wusoongo kuri ti kubisa kwa bo kukwo, kwahele kusa kikaku kuri Nzaambi mu kubvuukisa baatu (kik. 9–11). Mu kilookolo ki, mbweeyulu Nzaambi yita kimbaangi ha busu bwa makaanda, mu mbila yi bari bataambula mu kuba mwooyo mu Kiristo (12.1–15.13).

Ku manunu, Pawulo wuri mu kuha mamboto kuri baatu balaka (15.14–16.27).

Musamu Wamubwete

©2013 Bible Society of the Republic of Congo

More Info | Version Index