Search form

NKÔLAN 40

1Ane Nti a nga kobô Môze a jô nye na: 2Môs ôsu ya ngone ôsu, wo ye telé *tabernakel, *nda éndélé bisulan. 3Wo ye futi éwolo élat été a buti je éyé. 4Wo ye soo tebele a telé nye ane da yian. Wo ye zuu ébi bifufub a kôme belambe. 5Wo ye telé ataʼa mvot asu ôlobinda ôsu éwolo ya élat, a wo ye futi éyé anyiine *tabernakel. 6Wo ye telé ataʼa mimvean mi ne ngumba ôsu ya anyiin *tabernakel a *nda éndélé bisulan. 7Wo ye telé fandé zañe *nda éndélé bisulan a atak, wo ye futi mendim été. 8Wo ye bômane nseñ a vôme ase, a futi éyé *mbé ya nseñ. 9Wo ye nyoñe mbon ba woʼo bôt éyoñ ba telé be bito a woʼo wô e *tabernakel a jôm ése é ne été, wo ye telé nye étyi émien a biôm mebelane bié bise a bia ye bo étyi. 10Wo ye telé ataʼa mimvean mi ne ngumba mbon a biôme mebelan yʼété. Wo ye telé de étyi nalé da ye dañe dañ étyi. 11Wo ye woʼo fandé a tine ya été jé ése mbon a wo ye telé nye étyi. 12Wo ye bo na Aron a bone bé be subu bebé anyiin *nda éndélé bisulan a wo ye woʼo be mendim. 13Wo ye jalé Aron mengômesan me ne étyi, ô woʼo nye mbon a telé nye étyi, a a ye bo ma ésaé ane *ntuni. 14Wo ye bo na bone bé be subu bebé, ô jalé be melôʼô. 15A wo ye woʼo be mbon avale ô maneya woʼo ésaa wop; a ba ye bo ma ésaé ane betuni. Nwoʼone mbone te wo ve be ésaé betuni miaé mise. 16Ane Môze a nga bo mam mese Nti a nga bendé nye.

17Ngon ôsu ya mbu baa é too alu da nje *tabernakel a nga teléban. 18E nde Môze a nga telé nye, a futi metin, yʼété, a telé mebam, a futi betyengane a telé beyôm mekôn. 19Ane a nga ndamé éndélé e *tabernakel yôp, a buti *nda éndélé avale Nti a nga bendé nye.

20Wôna a nga nyoñe mekoʼo metiñ a futi me éwolo été, ve futi mimbôñ éwolo a buti ébutaʼa été yôp. 21Akekui a nga soo éwolo e *tabernakel été; a futi éyé ja kandé a solé éwolo élat avale Nti a nga bendé nye.

22Ane a nga telé tebele *nda éndélé bendôbaʼan e *tabernakel akôé, ôyab a éyé ja kandé; 23E nde a nga taʼa belet (awôm a ébaé) ôsu be Nti, avale Nti émien a nga bendé nye.

24Ane a nga telé ébi bifufub e *nda éndélé bendôbaʼane ôsu tebele, e *tabernakel nké, 25a kôme belambe asu be Nti avale Nti émien a nga bendé nye.

26A nga telé ataʼa mvot e *nda éndélé bendôbaʼan été, ôsu ya éyé ja kandé. 27Nde a nga bo na be diʼi ôlobinda a nyum mvaé été yôp, avale ane Nti a nga bendé Môze. 28Ane a nga tyelé éyé anyiine *tabernakel. 29A telé ataʼa mimvean mi ne ngumba anyiine *tabernakel ya *nda éndélé bendôbaʼane, a ve mvean ba diʼi ngumba a ôfe avale Nti a nga bendé nye.

30A nga telé fandé e zañe *nda éndélé bendôbaʼane a ataʼa metunaʼa a futi mendim ya sôbe mo a mebo été; 31Aron a bone bé be nga sôbe mo a mebo été. 32Eyoñ ése ba nyiin *nda éndélé a subu bebé ataʼa metunaʼa, be nga sôbe mo a mebo avale Nti a nga bendé Môze.

33E nde a nga bo nseñ ô bômaʼane *tabernakel ba ataʼa metunaʼa a tyelé éyé *mbé ya nseñ. Nalé ate Môze a nga sondô ésaé ése.

Etôtoʼo Nti

(1Bb 8:10-12; Nli 9:15-23)

34Ane *nkut ô nga buti *nda éndélé bendôbaʼane, a étôtoʼo Nti é nga jaé *tabernakel. 35Môze a nji bo ngule ya nyiin *nda éndélé bendôbaʼane, amu *nkut ô mbe njalan été, a étôtoʼo Nti é nga yiane *tabernakel. 36Eyoñ ése *nkut wo mane kôlô *tabernakel, bôt ya Israél be taté dulu a ke ôsu ya zene jap. 37A e môse, *nkut Nti ô nji bete yôp, be nji téé dulu vʼakekui môse *nkut wo beta bet. 38Amu nkute Nti ô nga yametane *nda a amôs, a alu nduan é nga bômane je Israél ase a lôô, e mevôme mese be nga tebe.

Bible en langue Bulu

© LʼAlliance Biblique du Cameroun, 2007

More Info | Version Index