Search form

LEVITIK 13

Akon yʼékôbe nyôl

(Dt 24:8; Nlb 12:10-15; Mink 26:19-21; Eza 64:5; Nli 21:27)

1Nti a nga kobô Môze baa Aron a jô be na: 2Éyoñe môt éziñ a ye bi mvin ékôbe nyôle jé nge ékôbaʼa, nge abat da suʼulane bo fôle *zam ékôbe yôp, ba ye zuu môt ate be *ntuni Aron, nge be wua ya bone bé be ne betuni. 3Ntuni a ye fase fôl é ne ékôbe nyôl. Nge mimvot yʼété mi ntoo éfumulu a nge fôl ébien é ntoo édok a dañ ékôp, wôna fôl éte é ntoo *zam. Eyoñe *ntuni a maneya fas, a ye mialane foé na môt ate a nji beta bo *mfuban. 4Nge éfumulu abat é nʼékôbe nyôl é nji ke dañ édok a mimvot yʼété teke éfumulu, *ntuni a ye fete môt ate e *nda été tañe melu zamgbwal. 5E môse zamgbwale, *ntuni a ye beta fase môt ate. Nge fôl é nji ke nen a yian ékôbe nyôl, *ntuni a ye beta fete nye éyoñe baa tañe melu zamgbwal. 6E môse zamgbwale, *ntuni a ye beta fase nye. Nge fôl éte é ntoo abôl teke yian ékôbe nyôl, *ntuni a ye yôtane na môt ate a ne *mfuban: jôme te é nʼékôbaʼa, môt ate a ye sôbe mengômesane mé wôna a ye bo *mfuban. 7Ve nge ékôbaʼa ja mane yian ékôp, éyoñe te a maneya liti émien e be *ntuni na a lañebane *mfuban, a ye beta ke yené e be *ntuni éyoñe baa, 8na a fase nye. Nge ékôbaʼa é maneya yian ékôp, *ntuni a ye yôtane na a nji ke bo *mfuban: a kone *zam.

9Eyoñe fôle *zam ja ye kui e nyôle be môt éziñ, ba ye zuu nye be *ntuni na a fombô nye. 10Nge éfumulu mvim ja yené ékôbe nyôl, a nge mvim éte é veñesaneya mimvote ya vôm ate éfumulu a na minsône ya vôme mvim é né mia yô, 11*zam éte é ne nyô é tabeya ayab ékôb be môt ate. Ntuni a ye yôtane na a nji bo mfuban; a ye bo te fete nye e *nda été amu a nji bo *mfuban. 12Nge *zam ja kui a mane yian ékôbe nyôl ése ya môt a beʼe fôl, ataté nlô a kui mebo, e vôm ase ntuni 13a ye fase nye, a yene tyiʼibi, nge *zam ja mane yiane nyôl ése, *ntuni a ye yôtane môt a beʼe fôle na a ne *mfuban, amu nyôle jé ése é ntoo éfumulu, nde môt ate a ne *mfuban. 14Ve *môs be ne yene minsôn mia yô e nyôle jé, môt ate a nji fe bo *mfuban. 15Eyoñe *ntuni a yeneya minsôn mia yô, a ye yôtane na môt ate a nji bo *mfuban: amu minsôn mia yô mi nji bo *mfuban, *zam nje le. 16Nge minsôn mia yô mia tyendé a bo éfumulu, môt ate a ye ke be ntuni 17na a fase nye; nge fôl é ntoo éfumulu, *ntuni a ye yôtane na môt ate a ntoo *mfuban.

18Nge môt éziñ a nga kone jot e mane yet, 19nge éfumulu mvim ja kui e vôme jot e nga too, nge abat e nʼéfumulu da bo ne vé, môt ate a ye ke yene *ntuni. 20Ntuni a ye fombô môt ate. Nge abat e nʼédok a dañ ékôp, a mimvote ya valé bifumulu, *ntuni a ye yôtane na a nji bo *mfuban: fôle *zam nje le é nga kui e vôme jot e nga too. 21Nge *ntuni a lôô na éfumulu mimvot é nji bo abat été, a na abate te e nji bo édok a dañ ékôbe nyôl, e ntoo fe abôl, a ye fete môt ate e *nda été tañe melu zamgbwal. 22Nge abat da mane yiane nyôl, *ntuni a ye yôtane na môt ate a nji bo *mfuban: fôle *zam nje le. 23Ve nge abat e tele vôme wua teke mialan: évele jot nje le; *ntuni a ye yôtane na môt ate a ne *mfuban.

24Nge môt a te diʼi e nduan, ateme na abate da faé e fumu fe, nge na abat e ne ôbe évele da kui e vôme ndiʼan ô né, 25éyoñe te *ntuni a ye fombô nye. Nge mimvot mi ne abat été mi ntoo éfumulu, a abat e too fe édok a dañ ékôp, *zam nje ñhe le é kuiya e vôm a ne ndiʼan: *ntuni a ye yôtane na môt ate a nji bo *mfuban: fôle *zam nje le. 26Ve nge *ntuni a yene na bifumulu mimvot bi nji bo abat été, nalé fe na abat ebien e nji bo édok a dañ ékôbe nyôl, a na abat e ntoo abôl, *ntuni a ye fete môt ate e *nda été tañe melu zamgbwal. 27E môse zamgbwale, *ntuni a ye fombô nye. Nge abat e maneya yian ékôp, *ntuni a ye yôtane na môt ate a nji bo *mfuban: fôle *zam nje le. 28Ve nge abat e tele vôme wua, nge e nji ke yian ékôbe nyôl, a nge e nji ke bo abôl, ndôle nduan nje le: *ntuni a ye yôtane na a ne *mfuban amu éfele nduan nje le.

29Nge fam nge minga a beʼe fôl e nlô nge éyezel, 30*ntuni a ye fombô fôl éte. Nge é nʼédok a dañ ékôbe nyôl, mimvot mi ne nyôle mfô a tyôtyoé mi too fʼété, *ntuni a ye yôtane na môt ate a nji bo *mfuban: meko le, zame ya nlô nge éyezel nje le. 31Nge *ntuni a yene na fôle meko é nji bo édok a dañ ékôbe nyôl, a na mimvot mi nʼévindi mi nji bo été, a ye fete môt ate e *nda été tañe melu zamgbwal. 32E môse zamgbwale, *ntuni a ye fombô fôl. Nge meko me nji ke mialan a nge mimvot mi ne nyôle mfô mi nji bo été, nalé fe teke édok a dañ ékôbe nyôl, 33môt ate a ye tyeñeban, ve te nambe e vôme meko me né, a *ntuni a ye fete nye e *nda été éyoñ éfe tañe melu zamgbwal. 34E môse zamgbwale ñwô ñhe *ntuni a ye fombô meko. Nge meko me nji ke yian ékôbe nyôl, a nge me nji bo édok a dañ ékôbe nyôl, *ntuni a ye yôtane na a ne *mfuban. A ye sôbe mengômesane mé a a ye bo *mfuban. 35Ve nge meko me nga suʼulane yian ékôb a koé be yôtaneya na a ne *mfuban, 36*ntuni a ye fombô nye, a nge meko me maneya yian ékôp, *ntuni a ye bo te beta jeñ nge mimvot mi ne nyôle mfô mi nʼété: môt ate a nji bo *mfuban. 37Ve nge meko ma yené na me nji ke nen, a na mimvot mi ne bivindi mi too été, meko mete me yeteya, a môt ate a ntoo *mfuban, a *ntuni a ye yôtane na môt ate a ntoo *mfuban.

38Eyoñe fam nge minga a ne teme na bifumulu mebat bi ntoo nye nyôl, 39*ntuni a ye fombô nye. Nge ékôbe nyôle jé é bili mebat me too ôbe éfumulu, tone le é kuiya nye nyô: yeme na a ne *mfuban.

40Nge fam éziñ ja ye bo te fe ésil e nlô, môt ate a ne ayane nlôa môt, a ne *mfuban. 41Nge éfase ya mvom asu nje é ne nye te kʼésil, a ne ayan asu môt. 42Ve nge fôl é ne nye éfas ayane ya dol nge asu, fôl éte é too ôbe évele, yeme na zame le é vameya nye éfas ayane ya *doo nge asu. 43Ntuni a ye fombô nye. Nge fôl éte ja kui mvim é too ôbe évele éfas ayane ya dol nge asu, avale da fe ane zame ya ékôbe nyôl, 44môt ate a ntoo nzezam, a nji bo mfuban; fôl é ne nye e nlô.

45Nzezam wo kone fôl wo ye jaé mengômesan me too nyaban, nlô fe ô too nsoé; a ye fe solé éfas asu jé ya si a yôtane na: Te *mfuban! Te *mfuban! 46Nté ôse a ye kone fôl, a ye bo te *mfuban. A amu a nji bo *mfuban, a ye tabe étam, a étabaʼa jé ja ye bo e minkan atan.

Miengele

(Lv 14:33-38)

47Eyoñe mebat me mieñgele ma yené e mengômesan me ne mboon a mevule me ntômba nge a ndombo, 48nge yené biyé nge besanglis be ne mboon a mevule me ntômba nge ndombo, nge yené e bikôb nge biôm bi ne mboon a ékôp, 49nge mebate mete me ne bebé ane nyôle mekaé bilé nge ôbe évele yeme na me ne mebat ba yiane liti *ntuni. 50Eyoñe *ntuni a maneya fombô jôm é bili mebat a ye fete je tañe melu zamgbwal. 51E môse zamgbwale ñwô a ye beta fase mebate me mieñgele mete. Nge mieñgele a maneya yiane ngômesan ése a mevôm mese, nge yian ékôb nge jôm é nga boban a ékôp, yeme na mieñgele ate a ne nyô a se nguleya beta vas: jôme te é nji beta bo *mfuban.

52Ntuni a ye diʼi ngômesan, éyé nge sanglis a ne mboon a mevule me ntômba nge ndombo, nge jôm é ne mboon a ékôp. A amu mieñgele ate a se nguleya vas, ba yiane foʼo diʼi jôme te e nduan. 53Ve nge *ntuni a yene na mieñgele a nji ke yiane ngômesan, éyé, sanglis, nge jôm é ne mboon a ékôp, 54a ye bendé na be sôbe jôm é nga bili mieñgele, éyoñe te a fete je éyoñe baa tañe melu zamgbwal. 55Ntuni a ye beta fombô mieñgele mvuse ya be maneya sôbe ngômesan: nge mieñgele a nji tyendé nge mialan, jôme te é nji fe bo *mfuban, ba ye diʼi je e nduan, toʼo na mieñgele a nga bi je été nge atan. 56Ve nge *ntuni a yene na mieñgele a ntoo abôl éyoñ be maneya tuʼu nye, éyoñe te a vaa afôla ngômesan, ékôp, éyé nge sanglis e nga bili mieñgele. 57Eyoñe ayab éyoñ e lôteya, nge abate mieñgele da beta yené e ngômesan, éyé, sanglis nge jôm é ne mboon a ékôp, yeme na mfefé mieñgele le wo kui. Jôm é bili abat ja yiane diʼiban éyoñe te. 58Eyoñe be maneya sôbe jôm é nga bili mieñgele: ngômesan, éyé, sañglis nge jôm é ne mboon a ékôp, a abate mieñgele te da kôlô, ba yiane beta sôbe sôbe jôme te éyoñe baa, nalé ja ye bo *mfuban.

59Miñyeʼelan mia fombô mebate me mieñgele ma yené e mengômesane mevule me ntômba nge ndombo, e biyé, besanglis nge biôm bi ne mboon a ékôp mmie le. Miñyeʼelane mite mia volô *ntuni a yôtane na jôm é biliya é ne *mfuban nge momo.

Bible en langue Bulu

© LʼAlliance Biblique du Cameroun, 2007

More Info | Version Index