Search form

LEVITIK 9

Aron a bone bé ba taté mvean metunaʼa

(Lv 8:14-21; 4:3-21; Hé 5:1-4)

1E môse muame, Môze a nga loone Aron ba be *bon a bemvendé yʼIsraél. 2Nde a nga jô Arone na: Nyoñʼétoñe nyak ane étyiʼa ya *njaman, a nnôme ntômba asu étyiʼa ja diʼibane ngumba, nyôna a nyô mbok be too *mvoʼé ne selem, éyoñe te wo ye liti bie asu Nti. 3Wo ye kobô bone bʼIsraél na: Nyôñane nnôm ékela asu metunaʼa ya *njaman, étoñe nyak a étoñe ntômba bi ntoo mbu wua, *mvoʼé ne selem, asu étyiʼa ja diʼibane ngumba. 4Nyaʼa jia a nnôme ntômba wua asu metunaʼa ya nlatane ngbwa, nalé mia ye ve bie metunaʼa asu Nti, ô laté fe mveane ya mefup ô too mfuʼan a mbon. Amu Nti a ye yené be mia den.

5Nde be nga zuu biôme Môze a nga bendé ôsu ya *nda éndelé bendôbaʼan. Ane bôte bese be nga subu bebé a tebe tetele asu Nti. 6Eyoñe te Môze a nga jô na: Jame Nti a nga bendé nde di, boʼone de, éyoñe te étôtoʼo Nti ja ye yené be mia. 7Ane a nga jô Arone na: Subuʼu bebé ataʼa metunaʼa, vaʼa metunaʼa môé ya *njaman a étyiʼa jôé ja diʼibane ngumba, boʼo mame ya *njaman asu dôé a ékôane bôt; vaʼa fe mveane ya ngum ayoñ bôt ôse a bo mame ya *njaman asu dab avale Nti a nga bendé.

8Ane Aron a nga subu bebé ataʼa metunaʼa a tyiʼi étoñe nyaʼa *tyiñ asu *abé dé émien. 9Wôna bone bé be nga kalane nye metyi, ane a nga dubʼônyu été a woʼo me e minlaʼa mi ataʼa metunaʼa; metyi me nga buk, a nga sôé me e tin ataʼa metunaʼa si. 10A nga diʼi avoñ, mimbañ mi ôtam, ndalebôbô é yale éseʼe étyiʼa ya *njaman abé, bise ataʼa metunaʼa yôp, avale Nti a nga bendé Môze. 11Ve a nga diʼi minsôn a ékôp e nduan e minkan atan. 12A nga tyiʼi étyiʼa *tyiñ asu mvean wo diʼibane ngumba; wôna bone bʼAron be nga kalane nye metyi, nde a nga sôé me mbômaʼan ataʼa metunaʼa. 13Be nga kalane nye étyiʼa mvean wo diʼibane ngumba, é too mbaane mefus, nlô ô too fe été: a nga diʼi bie ataʼa metunaʼa yôp. 14A nga sôbe *miñya a mimbiaé, a diʼi bie ataʼa metunaʼa bi bete mvean wo diʼibane ngumba yôp. 15Wôna a nga ve mveane ya ngum ayoñ bôt ôse. A nga nyoñ nnôm ékela é nga veban asu *njaman abé ya bôt, a tyiʼi nye *tyiñ a ve nye asu *njaman abé, avale fe ane étyiʼa ôsu. 16A nga ve mvean wo vebane ngumba aval ane ñyeʼelan ô né. 17A nga liti mvean avut a jalé wô e wo wé, éyoñe te a nga diʼi wô ataʼa metunaʼa ô too jôm ja bebe e mvean wo diʼibane ngumba yôp. 18A nga tyiʼi nnôme nyak a nnôme ntômba, bi bo metunaʼa ya nlatane ngbwa asu bôt. Bone bé be nga kalane nye metyi, ane a nga sôé me mbômaʼan ataʼa metunaʼa, 19nalé fe mevoñe me nnôme ntômba; be nga kalane fe nye njem, a avoñ e yale *miñya, mimbañ mi ôtam a ndalebôbô yʼések be nga vaa be nnôme ntômba; 20nde be nga beté mevoñ mete angône yôp, be nga diʼi me ataʼa metunaʼa yôp. 21Aron a nga bo jam da liti nkalan ôngôn a éname ya mbo nnôm e be Nti, avale Môze a nga bendé.

22Eyoñe te Aron a nga same mo mé e vôme bôt be nga tele a botane be. Wôna a nga sise si éyoñe te a maneya bo mimveane ya *njaman, mi mia diʼibane ngumba a mimveane ya nlatane ngbwa. 23Môze ba Aron be nga nyiin e *nda éndelé bendôbaʼan. Eyoñ be nga kui atan, be nga botane bôt. 24Nde nduan é nga so ôsu be Nti a mane diʼi mvean wo diʼibane ngumba a avoñ ya metunaʼa ataʼa metunaʼa yôp. Bôte bese be nga yene jame te: be nga bete metyiñe yôp a mevak, be nga ku si bubutu.

Bible en langue Bulu

© LʼAlliance Biblique du Cameroun, 2007

More Info | Version Index