Search form

NLAÑANE BÔT 6

Atiñ asu Benazirieñ

(Bm 13:4-5; 1 S 1:11; 27:27; Am 2:11-12; Yo 17:16 Mm 21:23-26)

1Ane Nti a nga kobô Môze na: 2Kobôʼô bone bʼIsraél a jô be na: Éyoñe fam nge minga ja kandan e bôte bevok a tyili émiene mam ma futi nye e nsamba Benazirieñ, asu ya ve émien e mboon ésaé Zambe, 3a ye bo te nyu woon, nge bilam bi ne ngu; a ye bo te nyu woon a ne sañ nge bilam bi ne ngu bi too sañ; teke jôm ba nyu ja so bibuma bi ndiʼi woon a ye nyu, a a ye bo te di bibuma bi ndiʼi woon, toʼo bi ne nyumi nge nkôt. 4Nté ôse a ye bo *nazirieñ, a ye bo te di jôm éziñ ja so ndiʼi woon, ataté mefes a kui ékôp. 5Nté ôse a ne *nazirieñ, jôm ése ba tyembane je ja ye bo te lôt e nlô wé yôp, akekui éyoñ melu émien a nga tiñeti asu Nti me kpwaneya: a ye bo étyi, a ye jôʼé ésile ya nlô wé é yaé te tyiʼi je. 6Nté ôse ya melu a nga tiñeti asu Nti, a ye bo te subu mbime bebé; 7a ye bo te ve émiene mvin awu ésaa, nyia, monyañ nge kale jé amu a beʼe ntelan étyi Zambe wé e nlô wé. a 8Nté a ye bo *nazirieñ, a ye bo étyi asu Nti.

9Nge môt a wu nye e fefe atemetem, a nalé a bo na nlô wé ô bo te fe *mfuban, e môse ya ntunane wé a ye tyembane nlô; a ye tyembane wô e môse zamgbwale. 10E môse muam, a ye zu ve *ntuni adu abaé, nge zum ébaé, anyiine *nda éndelé bendôbaʼane. 11Ntuni a ye ve ônone wua ane étyiʼa ya *njaman abé, a ônon ôvok ane mvean ô ne ngumba, a a ye bo mame ya bulu nsem asu môt ate amu awu te. A môt a ne *nazirieñ a ye fubu nlô wé *môs ôte. 12A ye beta telé éyoñ éfe ya éto *nazirieñ asu Nti, a a ye ve ntômba ô ntoo mbu wua ane metunaʼa ya nkôman étom; melu a nga taté tabe *nazirieñ ma ye bo te lañeban amu éto *nazirieñ jé ya melu mvus é nga bili mvin.

13Atiñe da fombô Benazirieñ nde di: éyoñe melu mé ya ntéléban étyi me kpwaneya, ba ye zuu nye anyiine *nda éndelé bendôbaʼane. 14A ye liti Nti mveane wé: ntômba ô ntoo mbu wua, ô too teke ayeñ, asu metunaʼa ya nlatane ngbwa; 15mone nkoé belet é ne teke mvusan, akekebe biwôlé bi ne teke mvusan, bi too mmiamane mbon a mimvean miʼavut a woon mia tôñe mimveane metunaʼa. 16Ntuni a ye liti mimveane mite ôsu Nti, a a ye ve étyi, a asu *njaman abé, nalé fe mvean ô ne ngumba; 17a ye ve Nti nnôme ntômba asu metunaʼa ya nlatane ngbwa, ô laté a nkoé belet é ne te mvusan; *ntuni a ye suʼulane ve mimvean miʼavut a woon. 18Eyoñe *nazirieñ a ye tyeñe nlô wé anyiine *nda éndelé bendôbaʼane; a ye nyoñ ésile ya nlô wé ô nga teléban étyi a futi je e nduan ja yôñ e metunaʼa ya nlatane ngbwa si. 19Ntuni a ye nyoñe mbelan éname nnôme ntômba ya wo, nalé fe éwôlé é ne te mvusan e mone nkoé été, a ékekeb éwôlé é ne te mvusan. A ye bôé biôm bite e mo me *nazirieñ a maneya tyembane nlô wé ô ne ntelan étyi. 20Ntuni a ye bo bie ndeñkolô ôsu Nti a jôme te é ntoo étyi, é ntoo jôme Ntuni avale fe anʼôngône ba ve a éname ya *abé ba vaa. Ataté éyoñe te nje *nazirieñ a ntoo nyu woon. 21Atiñe *nazirieñ a ve ntiñetan nde le; mvean a ve Nti amu éto *nazirieñ jé ñwô fe le; a ne ve biôme bife nge a bili ngu; ve a yiane ve jôm a nga tiñeti avale atiñe ya *nazirieñ é né.

Bifia ya botane bôt

(1 Minkte 2:13; 2 Ko 13:13; Sam 115:15)

22Ane Nti a nga kobô Môze na: 23Kobôʼô Aron a bone bé na: Mia ye botane bone bʼIsraél a jô be na: 24Nti a botaʼane wo a a baʼaleʼe wo! 25Nti a faé éfufup ya asu dé be wo, a mvamaʼane wo! 26A beteʼe asu dé e be wo a ve wo *mvoʼé! 27Avale di nde ba ye tote jôé dam asu ya botane bone bʼIsraél, a Mamien ma ye ve be ébotane jam.

Bible en langue Bulu

© LʼAlliance Biblique du Cameroun, 2007

More Info | Version Index