Search form

NLAÑANE BÔT int

Mejô yʼatataʼa

Kalate nlañane bôt nge élañe bôt, a ne kalate nyini ya bekalate metiñ nge na bekalate be Môze. A bili bekapitel 36. Bi ne kabe nye beta mengabe melaa.

1:1–10:10: éyoñe Môze a maneya nyoñ metiñ mese Zambe a nga ve nye e nkôle Sinayi, bone bʼIsraél be nga kômesane na be ke e si é ne be ntiñetan.

10:11–21:35: e dulu dab été, nde ba kui Kadés-Barnéa, anyiin ébiene ya si éte. Ve be koo woñ ya nyiin été. Amu be nga yiane wulu mimbu mewôm menyin e nkôte si, nde be nga beta sis mfaʼa ya nké; asu ya ke kui e si ya Môab évele mañ mfaʼa jôp da tôô mvuse abui dulu e mesi bikuu.

22:1–36-13: ngabe nyô ja kañete mam mevale meva me nga boban e minjeʼese ya Môab. Nne Israél a nga téé valé na a dañe Yordan a ke e si ya Kanaan.

Minyeʼelan miziñ

1 Kalate nlañane bôt a liti ayoñe Zambe Israél, e bebela ya ényiñe môta binam été: anaʼana be nga liti ndi nlem be bili mfaʼa Zambe, anaʼana bisô bi mbili be; avale te fe mfaʼa ngule nlem a ateʼe nlem, bôte ba yian ésemé a ba ba bo e mam ma sili be si.

2 Kalate nyô a liti fe te tyendé Zambe a né mfaʼa ayoñe bôte dé ve teke vaa ayoʼo dé a zôsôôô ntyiʼane mejô wé.

3 E kalate nyôna été Môze a tele mbia été: e zañe Zambe a ayoñe bôte dé: nkate mefoé ya mame Zambe, Nyô ba Nye ba nyiñ édoʼo amvôé été, a sili na bôte be bo. Ve Môze a yené fe ane nyô a tele asu Zambe na a kamane ayoñ Israél e ne mbia nlô, a boʼo jame te teke kat.

Bible en langue Bulu

© LʼAlliance Biblique du Cameroun, 2007

More Info | Version Index