Search form

Levítico 24:15-16

15-16Vooy papu ca lhech t'ônashtaja napi Israel lhavos pa anfacleem navôque: Papu ca vena t'ônashtaja ti yeyimatan na Lhcaanvacle na lh'Dios, pa tajulhey ca chinachaja pa lhsasch'e lhavaatsha pa chinvômjat ca nôôtjatesh'in pava utes napi lhtachifas. Lhech lhjunasha papi vena tôlhshi' nan lhjunash japi tsitenasshi na vatavtsateyish, ca vena t'ônashtajaa na lhey na Lhcaanvacle, pa nitanutsjayesh pa lhavafi.

17“Papi yayjat pa lhamônlhajayash pap'elh, pa tanutsjayesh jayu pa lhavafi.*xd*