Search form

KINṘEŪKÖ 2

Inlēnken Minë Miyöngö Nö I Elyöngöre

1Ngaich ngam Mā Tēv nö vë-ekūö Môsös, Āròn inrē nö ngö ṙô, 2Kö vītö chūökre yip Kūön Israĕl min nö kö i pantērare, tö nup pantēra mitī-i yöng cha tö kikōnyö: ranghö öp rūkui manūlö cha-a min nö havīlö e tö chūökre. 3Ngaich cha-a yip vamītö chūökre nö lā chuhöt, lā maneutlö ngam tavūöi, nö cha-a min aṅ im pantēra elyöngö Yūtā, sā ṙôngö yip kumyung: ngaich öp mākūö kūön Yūtā min nö Nāsön öp kikōnyö kūön Amminatap. 4Yip kumyung in ò inrē, cha-a inrē yip tö kaheuklöng nö ngaich aṅ in cha, nö sat anāi fën sīön köny tafūölòng. 5Ngaich cha-a yip vamītö chūökre nö ranghen ò min yip miyöngö Isakār: ane inrē öp mākūö kūön Isakār min nö Netenī-ĕl öp kikōnyö kūön Sūar. 6Yip kumyung in ò inrē, cha-a inrē tö ngaich nö kaheuklöng, nö taneui anāi fën köny fënòng. 7Ngam miyöngö Sepulön: öp mākūö kūön Sepulön inrē min nö Ēliāp öp kikōnyö kūön Hilòn. 8Yip kumyung in ò inrē, yip tö kaheuklöng inrē nö ngaich nö taneui anāi sat köny fënòng. 9Ṙòkhöre yip tö kaheuklöng elyöngö Yūtā, hēngòng, sā ṙôngö yik kumyung in cha. Cha-a min lamā urĕh.

10Lā lòhngö min öp pantēra elyöngö Rūpön sā ṙôngö yip kumyung in cha, öp mākūö kūön Rūpön inrē nö Ēlīsör öp kikōnyö kūön Sĕtē-ör. 11Yip kumyung in ò inrē, yip tö kaheuklöng nö ngaich, nö fën anāi tafūöl köny taneūyòng. 12Ngaich cha-a yip vamītö chūök re min nö ranghen ò nö miyöngö Simōn: ane inrē öp mākūö kūön Simōn min nö Selūmi-ĕl öp kikōnyö kūön Sūrisattai: 13Yip kumyung in ò inrē, cha-a inrē yip tö kaheuklöng in cha, nö taneui anāi machūötör köny lūöyòng: 14Ngam miyöngö Kāt: öp mākūö kūön Kāt min nö Ēlī-asaf öp kikōnyö kūön Rū-ĕl. 15Yip kumyung in ò inrē, cha-a inrē yip tö kaheuklöng nö ngaich in cha, nö fën anāi taneui köny tafūölòng taneui anāi. 16Ṙòkhöre yip tö kaheuklöng elyöngö Rūpön, nö hēngòng taneui anāi hĕng köny fënòng taneui anāi, sā ṙôken yip kumyung in cha. Cha-a min nö innëtö.

17Ngaich kiröönngöre min ngam rūkui manūlö, nö holtö elyöngö yip Lēvī nö ellōn nup elyöngö: sā chūöktī cha tö elyöngöre, ngatī chanūhuh cha-a nö kiröönngöre, kö i chūök re tarik nö i nup pantēra cha.

18Lā sūng min öp pantēra elyöngö Ifrēm sā yip kumyung in cha: ane inrē öp mākūö kūön Ifrēm min nö Ēlisamā öp kikōnyö kūön Ammihöt. 19Yip kumyung in ò inrē, cha-a inrē yip tö kaheuklöng nö ngaich in cha, nö fën anāi köny taneūyòng. 20Ngaich cha-a yip vamītö chūökre min nö ranghen ò nö miyöngö Manasē: ane inrē öp mākūö kūö Manasē nö Kamēliĕl öp kikōnyö kūön Pītahsör: 21Yip kumyung in ò inrē, yip tö kaheuklöng nö ngaich in cha, nö lūöi anāi nët köny nëtòn: 22Ngam miyöngö Penyamin, ane inrē öp mākūö kūön Penyamin min nö Epiten öp kikōnyö kūön Kitī-ōnī; 23Yip kumyung in ò inrē, yip tö kaheuklöng nö ngaich in cha, nö lūöi anāi taneui köny fënòng. 24Ṙòkhöre yip tö kaheuklöng elyöngö Ifrēm, nö hēngòng hëvör köny hēngòng, sā ṙôken yip kumyung in cha. Cha-a min nö linūöyö.

25Lā kapā min öp pantēra Tën, sā ṙôken yip kumyung in cha: ane inrē öp mākūö kūön Tën min nö Ēhī-ēsör öp kikōnyö kūön Ammisattai. 26Yip kumyung in ò inrē, yip tö kaheuklöng nö ngaich nö in cha, nö tafūöl anāi nët köny sātòng. 27Ngaich cha-a yip vamītö chūök re min nö ranghen ò nö miyöngö Asēr: ngaich öp mākūö kūön Asēr min nö Paki-ĕl öp kikōnyö kūön Òkren. 28Yip kumyung in ò inrē, yip tö kaheuklöng nö ngaich nö in cha, nö fën anāi hĕng köny taneūyòng. 29Ane inrē öp miyöngö Naftalī: ane inrē öp mākūö kūön Naftalī min nö Āhīra öp kikōnyö kūön Inön. 30Yip kumyung in ò inrē, yip tö kaheuklöng nö ngaich nö in cha, nö taneui anāi lūöi köny fönòng. 31Ṙòkhöre yip tö kaheuklöng i elyöngö Tën, nö hēngòng taneui anāi sat köny tafūölòng. Lā unôich takô cha-a min i nup patēra cha.

32Cha-a yin vē tö kaheuklöng nö ngaich, in yip kūön Israĕl nö i mitī-i yöng cha tö kikōnyö: ṙòkhöre yip tö kaheūkö i nup elyöngö cha sā ṙôngö yip kumyung in cha nö tafūölòng lūöi köny taneūyòng taneui anāi. 33Öt kaheuktu pöri yip kūön Lēvī nö in yip kūön Israĕl, sā tinöölô Môsös tö ngam Mā Tēv.

34Ngatī tī yik kūön Israĕl; sā nuk chöngö ngam Mā Tēv nö in Môsös, ngatī cha-a nö iyöngtöre nö i nuk pantēra cha, ngatī vanāngnyi cha-a kö i mupīhöre, sā mitī-i yöng cha tö kikōnyö.

Nicobarese Bible

© 2014 Bible Society of India

More Info | Version Index