Search form

Hechos 17:18

18Anicuaretu umae dyaque iyuca jararada cuanaque. Epicúreo cuana, estoico cuana jadya tunajatu ebacani jucuare. Pablo tsehue tuna caquemitsatijacama jucuare. Tumeque iyuca jararada cuanaque tuna quisaraticuare tuna cama Pablo eje buchique:

—¿Ai quisaratitu aya tume bahuepa ejuu jadyara? Tuquetu adebayaque ama quisaratiya, —jadyatu umae jucuare.

—Quisarati bahue jiu taa tuque. Peya Yusu ecuanara adebayaque ama cuejacara aya bucha cuita tuque, —jadyatu peya cuana jucuare.

Jadya tuna jucuare, Pablora Jesús eje buchique quisarati ayajudya jutidya bacatsu. “Riyaque Jesústu emajuque chacha netitsuranucacuare”, jadique quisaratitu tura ajacacuare ama.

Yusuja Quisarati

© 2012, Wycliffe Bible Translators, Inc. All rights reserved. More Info | Version Index