Search form

Juan int

Juan ã daacátjidih jwĩ tʉ́i beh joyát pínah naáwát

¿Déhe tigaá daácniji? Juan, Jesús ã bohéni, chah ã oiniji nin nʉ́odih ãt daacáp wʉt jĩ. Jesús ã pʉ́ʉh laab béjat tʉ́ttimah, Juan Jesúíhwãdih waóhnitjeéh ãt jʉmʉp wʉt jĩ. Caanjéh mʉntih 1 Juan, 2 Juan, 3 Juan, Apocalipsisdihbʉt ãt daacáp wʉt jĩ.

¿Detdih ãt daácji? Dawá jéihnit “Griego wéhenitboó Jesúíh doonádih ĩ tʉ́i beh joyát pínah niijná, Juan nin nʉ́odih queétdih ãt daacáp wʉt jĩ”, ĩ niíj jenah joiná caá. Obohjeéhtih, nihat cã́acwã ĩ enat pínahdihbʉt ãt daacáp wʉt jĩ, Jesúsdih ĩ tʉ́i jenah joyát pínah niijná.

¿Dedmant, débólih cah, ãt daácji? Dawá jéihnit “Jópchi 85 (Jesús ã wʉnat tʉ́ttimah, 52 jópchi tʉ́ttimah) nin nʉ́odih Juan ãt daacáp wʉt jĩ”, ĩ niíj jenah joiná caá. Biquína jéihnit “Jópchi 50–70 (Jesús ã wʉnat tʉ́ttimah, 17–37 jópchi tʉ́ttimah) Juan ãt daacáp wʉt jĩ”, ĩ niíj jenah joiná caá. Biquína jéihnit “Éfeso tʉ́tchiboó jʉmna, nin nʉ́odih ãt daacáp wʉt jĩ”, ĩ niíj jenah joiná caá.

¿Dedé pínah tigaá ãt daácji? Juanjeh ã daacát pínahdih nin pah ãt niíj daacáp taga: “ ‘Yoobópdih Dios ã wahi Jesúsjeh tigaá. Caanjéh tigaá Dios wʉ̃ʉ́h’, ñi niíj jéihyat pínah niijná, wã daácna caá. Páant niíj jéihna, caandíh jepahnit, yeéb Diosjeéh páantjeh ñi jʉmbipna caá”, ãt niíj daacáp taga. (20.31)

San Juan ded pah ã jʉmat:

1. Juan ã naóh jwíihat (1.1-18)

2. Jesús cã́acwãdih ã teo wáac jwíihatji (1.19-51)

3. Jesús ded pah cã́acwãdih ã teo wáacatji (2.1–11.57)

4. Jesús ã wʉnat pínah jã́tih bóo yeó jáapna, ã wʉnatjibʉt (12.1–19.42)

5. Jesús ã boo pʉd jʉ̃ʉ́wátji (20.1–21.25)

Dios ã jáap naáwát tólih

© 2008, Wycliffe Bible Translators, Inc. All rights reserved. More Info | Version Index