Search form

មាថាយ 1

នាវ​ងក៝ច​យៅ​អូ​ចែ​ឞ្រាស​យេឆូ​ក្រីស 

(លក ៣:២៣-៣៨)

1អ្យា​នាវ​ងក៝ច​យៅ​អូ​ចែ​ឞ្រាស​យេឆូ​ក្រីស + អី​ក៝ន​ឆៅ​កាដាច់​ដាវីត ​កាល់​អែ​នើស នទ្រែល​មា​អី​ក៝ន​ឆៅ​អាឞ្រាហាម់ ​ដ៝ង់។ លែៈ​រាងោច​ផូង​អីឆ្រាអែល ​ជេង​រាន៝យ​ទែស​អាឞ្រាហាម់ ​ទាទេ។* 2អាឞ្រាហាម់ ​អី​ឞឹ​អីឆាក់  អីឆាក់ អី​ឞឹ​យាកោប  យាកោប អី​ឞឹ​យូដា  នទ្រែល​មា​អ៝ស​នោ​ពាង់​ដ៝ង់។* 3យូដា ​ឆ៝ៈ​អូរ​រាញា​ពាង់​ថាមារ ​ឞាៈ​ក៝ន​ឞូ​ក្លោ​រាញា​ពេរេស  នទ្រែល​មា​អ៝ស​ពាង់​រាញា​ឆេរាស  ពេរេស អី​ឞឹ​ហេឆ្រុន  ហេឆ្រុន អី​ឞឹ​អារាម * 4អារាម អី​ឞឹ​អាមីនាដាប់  អាមីនាដាប់ អី​ឞឹ​នាសឆោន  នាសឆោន អី​ឞឹ​ឆាល់មោន 5ឆាល់មោន ​ឆ៝ៈ​អូរ​រាញា​ពាង់​រាហាប់ ​ឞាៈ​ក៝ន​ឞូ​ក្លោ​រាញា​ពាង់​ឞោអាស  ឞោអាស ​ឆ៝ៈ​អូរ​រាញា​ពាង់​រូត ​ឞាៈ​ក៝ន​ឞូ​ក្លោ​រាញា​ពាង់​អោបេត  អោបេត អី​ឞឹ​យេឆេ * 6យេឆេ ​អី​ឞឹ​កាដាច់​ដាវីត 

កាដាច់​ដាវីត ​ឆ៝ៈ​ពីត​អូរ​ឞូ ឞាៈ​កាដាច់​ឆាលោមោន  រាញា​ឆាយ​អី​អូរ​កាដាច់​ដាវីត ​ពីត​នៃ​អូរី * 7កាដាច់​ឆាលោមោន ​អី​ឞឹ​កាដាច់​រេហូបាម់  កាដាច់​រេហូបាម់ អី​ឞឹ​កាដាច់​អាបីយា  កាដាច់​អាបីយា អី​ឞឹ​កាដាច់​អាឆា * 8កាដាច់​អាឆា អី​ឞឹ​កាដាច់​យោឆាផាត  កាដាច់​យោឆាផាត អី​ឞឹ​កាដាច់​យោរាម  កាដាច់​យោរាម អី​ឞឹ​កាដាច់​អោឆីស 9កាដាច់​អោឆីស អី​ឞឹ​កាដាច់​យោថាម  កាដាច់​យោថាម អី​ឞឹ​កាដាច់​អេហាស  កាដាច់​អេហាស អី​ឞឹ​កាដាច់​ហេឆេកៀ 10កាដាច់​ហេឆេកៀ អី​ឞឹ​កាដាច់​មានាឆេ  កាដាច់​មានាឆេ អី​ឞឹ​កាដាច់​អាមោន  កាដាច់​អាមោន អី​ឞឹ​កាដាច់​យោឆីស 11កាដាច់​យោឆីស ​អី​ឞឹ​កាដាច់​យេកោនីស  នទ្រែល​មា​អ៝សៗ​ពាង់​ដ៝ង់។ ទោល​នៃ​ឞូ​វែង​គ្រ៝​ប៝ន​លាន​អីឆ្រាអែល ​គុ​ជឹត​ឞ្រី​បាបីលោន *

12ជេស​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន ​កាដាច់​យេកោនីស ​ឞាៈ​ឆាលាថីល  ឆាលាថីល ​អី​ឞឹ​ឆោរោបាបែល * 13ឆោរោបាបែល អី​ឞឹ​អាបីយូត  អាបីយូត អី​ឞឹ​អេលេកីម  អេលេកីម អី​ឞឹ​អាឆោរ 14អាឆោរ អី​ឞឹ​ឆាដុក  ឆាដុក អី​ឞឹ​អាកីម  អាកីម អី​ឞឹ​អេលីយូត 15អេលីយូត អី​ឞឹ​អេលាឆារ  អេលាឆារ អី​ឞឹ​មាថាន  មាថាន អី​ឞឹ​យាកោប 16យាកោប ​អី​ឞឹ​យោឆែប ​អី​ឆាយ​មារី មារី ​អី​នៃ​ឞាៈ​ឞ្រាស​យេឆូ ​ឞូ​ក្វាល់​លាស​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។*

17កើត​នទ្រី នតើម​ឞើស​អាឞ្រាហាម់ ​ត៝ត់​មា​កាដាច់​ដាវីត ​ពាង់​គែស ១៤ ឞោង​ឞូនុយ្ស។ នតើម​ឞើស​កាដាច់​ដាវីត ​ត៝ត់​មា​រានោក​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន  គែស ១៤ ឞោង​ឞូនុយ្ស។ នតើម​ឞើស​រានោក​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន ​ត៝ត់​មា​ឞ្រាស​យេឆូ ​អី​ឞ្រាស​ក្រីស ​គែស ១៤ ឞោង​ឞូនុយ្ស​ដ៝ង់។

នាវ​ទែស​ឞ្រាស​យេឆូ​ក្រីស 

(លក ២:១-៧)

18ឞើស​ទ៝ង់​អ្យា​ងក៝ច​ឞ្រី​នាវ​ទែស​ឞ្រាស​យេឆូ​ក្រីស ។ គែស​ទូ​ហ្វេ​ឞូ​អូរ​រាញា​ពាង់​មារី  ពាង់​អី​នទ្រោយ​យោឆែប ។ អេ​ល៝រ​ខាន់​ពាង់​តឹម​គុ​នទ្រែល មារី ​លែៈ​អើម​នត្រែវ​ឞ្រាស​យេឆូ ​យ៝រ​មា​នាវ​ទើយ​ឞ្រាស​ហ្វេង​អ្វែស​អី​ក្ល៝ស​អ្វែស​អ៝ន់​មា​ពាង់។* 19យោឆែប អី​នទ្រោយ​មារី ​នៃ យ៝រ​មា​ពាង់​ឞូនុយ្ស​ឆ៝ង់​ឞូនុយ្ស​អ្វែស ជេស​ឆៃ​នទ្រោយ​ពាង់​លែៈ​នត្រែវ ពាង់​អុច​នត្លើយ​នទ្រោយ​ពាង់​នើម​មោ​អោស​អ៝ន់​ឞូ​គឹត ពាង់​មោ​អុច​អ៝ន់​នទ្រោយ​ពាង់​ដីត​ព្រេង​ឞូ កើត​នទ្រី​ពាង់​អុច​នត្លើយ​អ៝ន់​នទ៝ប់ៗ។* 20ញចោ​អែ​មា​ពាង់​ងក្ល៝ន់​កើត​នៃ គែស​តោង​ពារ់​តាៈ​ឞើស​កោរាញ​ឞ្រាស​មឞើស​អ៝ន់​ពាង់​មា​នាវ​មឞើយ៖ “ហើយ​យោឆែប ​ក៝ន​ឆៅ​កាដាច់​ដាវីត ! លើយ​ក្លាច​អោស​ឆ៝ៈ​មារី ​ជេង​អូរ​មៃ។ ក៝ន​អី​តា​ត្រោម​នទុល​ពាង់​នៃ​មោ​អោស​តាៈ​ឞើស​ឞូនុយ្ស តាៈ​ឞើស​នាវ​ទើយ​ឞ្រាស​ហ្វេង​អ្វែស​អ៝ន់។ 21ពាង់​គុ​អ៝ស​ឞូ​ក្លោ ជេសរី​មៃ​តេៈ​រាញា​ក៝ន​អី​នៃ​ក្វាល់ «យេឆូ » - គែស​នាវ​ខ្លៃ​លាស​«កោរាញ​ឞ្រាស​រាក្លាយ្ស» - យ៝រ​លាស​ក៝ន​អី​នៃ​មរា​រាក្លាយ្ស​ផូង​ប៝ន​លាន​ពាង់​នើម​ឞើស​នាវ​តីស​ខាន់​ពាង់​នើម”។* 22លែៈ​នាវ​អ្យា​គែស​គៃ​មា​តឹម​ទី​ងាន់​ដាស​នាវ​កោរាញ​ឞ្រាស​នតិញ​តឹង​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស៖

23«អ្វាញ់​តៃ​យឹ! ទូ​ហ្វេ​ឞូ​អូរ​ទ្រោស​អេ​ហ៝ៈ​គែស​គុ​នទ្រែល​ឞូ​ក្លោ​មរា​នត្រែវ ពាង់​គុ​អ៝ស​ឞូ​ក្លោ‌

ជេសរី​ឞូ​ក្វាល់​ក៝ន​អី​នៃ «អេមានូអែល »»

«អេមានូអែល »​នាវ​ងើយ​ហេឞ្រើ ​រាឞ្លាង​លាស «កោរាញ​ឞ្រាស​គុ​នទ្រែល​ឞ៝ន់»។ 24ត៝ត់​យោឆែប ​កាស​ឞិច ពាង់​អ្យាត់​តឹង​នាវ​តោង​ពារ់​ដាៈ​មា​ពាង់ ឆ៝ៈ​មារី ​ជេង​អូរ​ពាង់។ 25តីស​មា​ពាង់​អេ​ហ៝ៈ​អោស​គែស​ឞិច​នទ្រែល​ឞូ​អូរ​ឞូ​ក្លោ​ដាស​អូរ​ពាង់​ត៝ត់​មា​អូរ​ពាង់​គុ​អ៝ស​ទូ​ហ្វេ​ក៝ន​ឞូ​ក្លោ ជេសរី​ពាង់​តេៈ​រាញា​ក៝ន​អី​នៃ​ក្វាល់ «ឞ្រាស​យេឆូ »។