Search form

Têsalônik Rơh 2 int

Nau bôk ăn bu gĭt lor

Nơm nchih samƀŭt dja rnha Pôl, păng nchih samƀŭt dja klăp lah ta năm 51, klăp lah 18 năm jêh Brah Yêsu dâk rêh, mâu ôh ir jŏ bơh kơi nchih samƀŭt Têsalônik rơh 1 nây, lĕ bar ơ̆ samƀŭt i nây Pôl nchih ta ƀon Kôrĭntô.

Ma samƀŭt a êng i Pôl nchih dăn uănh ta samƀŭt Rôm ta nau bôk ‘Samƀŭt Pôl’.

Nau ŭch ntrŏng ta samƀŭt dja

Ta samƀŭt dja Pôl plơng ơh nau ôp a êng tay bơh phung nsing ta ƀon Têsalônik. Păng mbơh nkoch aƀă jât bơh nau Brah Krist plơ̆ văch (2Tê 2:1-12), păng mbơh nkoch ê lor ma nar Brah Krist plơ̆ văch, mra geh du huê bunuyh tih nsôh săk (2Tê 2:4), Yôhan nchih ma bunuyh i nây đŏng, nđâp ma kuăl bunuyh i nây ‘Kôranh i tâm rdâng đah Brah Krist’ (1Yô 2:18). Jêh ri Pôl đă khân păng gŭ nâp ta nau nsing ma Brah Krist, bol lah geh bu jan jêr jŏt yor ma nau nsing i nây kađôi, păng đă khân păng jan kar ma siăm nau rêh ăp nơm khân păng, jêh ri ma sơm kơl jan ndơ ueh ma bu (2Tê 3:6, 11-12). Du trong i geh nau khlay hô ngăn ta samƀŭt dja, jêng 2Tê 2:16 ‘Kôranh Brah i Bơ̆ bân, Păng geh nau rŏng ma bân. Yor ma nau ueh Păng nơm, Păng bonh leng bân nâng n'ho ro, nđâp ma lĕ ăn bân nau rnơm nâp rkâk...’.

Mbơh nau khlay ta nkô̆ ta samƀŭt dja

- Nau ôp ueh lăng (1:1-2)

- Nau rnê, ndrel ma nau nkah êng êng (1:3-12)

- Nau ntŭm nti ma nau Kôranh Yêsu plơ̆ tay (2:1-17)

- Nau nkah ta nau gŭ rêh phung nsing ma Brah Krist ăn tâm di (3:1-15)

- Nau ntĭnh n'glĕ dŭt (3:16-18)

Nau Kôranh Brah Ngơi Nau Tâm Rnglăp Mhe

© Wycliffe Bible Translators, Inc. All rights reserved.

More Info | Version Index